ОН - Сè повеќе информации за масовни гробници во Мариупол
Шефот на тимот на ОН за човекови права во Украина, Матилда Богнер денеска изјави дека набљудувачите добиваат сè повеќе информации за масовни гробници во опколениот град Мариупол вклучително и една во која се чини дека има 200 тела.
„Добиваме сè повеќе информации за масовните гробници што се таму“, изјави Матилда Богнер за новинарите преку видео врска од Украина, велејќи дека некои од доказите се од сателитски снимки.
Богнер рече дека смртните случаи на цивили во Украина ја надминале бројката од 1.035, додавајќи дека тимот на ОН истражува, како што изгледа, неселективни напади од двете страни во конфликтот.
Во нападот врз театарот во Мариупол има околу 300 жртви
Тимот на Богнер ги истражува наводните прекршувања на човековите права, како што се извештаите дека руските сили пукале и убиле цивили во нивните автомобили додека бегале, десетици случаи на исчезнувања на украински службеници и новинари и присилното движење на цивилите на територијата под контрола на Русија.
Русија, која своите акции од 24 февруари ги нарече „специјална операција“, негираше дека цел ѝ биле цивили во Украина.
Украина ја обвини Москва за депортација на цивили во Русија
Богнер рече и дека нејзиниот тим, исто така, добил извештаи за прекршувања од страна на украинските сили, вклучително и неселективно гранатирање во Доњецк, источна Украина, и две наводни убиства на цивили поради нивната наводна поддршка за Русија.
Украинските власти постојано соопштуваат дека никогаш не нападнале цивили, додавајќи дека луѓето што се во Доњецк и Луганск се Украинци.