Pompeo Kiýewe sapar edýär
Ukrainanyň ýurduň Donetsk we Luhansk sebitlerinde Russiýa tarapyndan goldanylýan separatistler bilen alyp barýan söweşiniň fonunda, Waşington Kiýewe bolan goldawyny äşgär etmegi göz öňünde tutýar.
“Şu gün Kiýewde bolmak gowy. ABŞ-nyň Ukraina babatyndaky goldawy sarsmazdyr. Men muny ukrain liderleri bilen duşuşygymda nygtamakçy. Men olar bilen özara strategiki hyzmatdaşlygymyzy ösdürmegiň, şeýle-de Ukrainanyň azat we demokratik döwlet hökmündäki pozisiýasyny berkitmegiň ýollaryny maslahat etmekçi” diýip, Pompeo 30-njy ýanwar güni giçlik Twitter hasabynda ýazgy galdyrdy.