Новости за 22.01.2020

Maryda öňümizdäki haj möwsümine nobata ýazylan adamlaryň ýüztutmalary kabul edilýär. Azatlygyň habarçysynyň habar bermegine görä, welaýatda haja gitjeklerden para soralýar.

Tramp 22-nji ýanwarda, Dawosda žurnalistleriň öňünde gürläp, özüniň bu impiçment suduna gatnaşmak isländigini, emma aklawçylarynyň beýle etmezligi maslahat berendiklerini aýtdy.

Russiýa Türkmenistana kosmosa ibermek üçin öz astronawtyny türgenleşdirmäge hemaýat bermäge taýýar diýip, Russiýanyň Siolkowskiý adyndaky kosmonawtika akademiýasynyň wise-prezidenti, lýotçik-kosmonawt Ýuriý Baturin aýtdy. “RIA Nowosti” habarlar gullugynyň 21-nji ýanwarda beren maglumatyna görä, Baturin bu barada Aşgabada eden saparynyň çäklerinde aýdypdyr. Baturin rus tarapynyň belli ugurlar boýunça, şol sanda dürli ýokary okuw jaýlarynda we kafedralarda hünärmenleri taýýarlap biljekdigini belläpdir. Читать дальше...

21-nji ýanwarda Özbegistanyň hususy eýeçilikdäki “Sevimli TV” telekanaly “Netflix” amerikan media üpjünçisinde goýberilen “Ýerasty Altylyk” filmini tomaşaçylara ýetirdi. Lebap welaýatynyň käbir etraplarynyň ýaşaýjylary kinofilme tomaşa etmek mümkinçiligine eýe boldy.

Hindistanyň Mumbaý şäherinde polisiýanyň myhmanhanalaryň birinde geçiren reýdiniň netijesinde üç aýal maşgala, şol sanda türkmenistanly iki student gyz mejbury ten söwdasyndan halas edildi. Mumbaý polisiýasynyň jenaýat agtaryş bölüminiň sosial hyzmat edarasynyň maglumatyna görä, Bolliwudyň önümçilik menejeri we aktýorlary saýlap-alyş direktory aýal maşgalalary kino pudagynda işe ýerleşdirmek wadasy bilen, olary jelepçilige iteklemekde aýyplanýarlar. Media maglumatlaryna görä, myhmanhananyň müşderileriniň... Читать дальше...

“Olary diri görkeziň” kampaniýasy geçen ýylyň 10-njy dekabrynda Türkmenistanyň prezidentine hat ýazyp, möhleti dolan tussaglaryň haýal etmän azatlyga goýberilmegine çagyrdy.

Hytaý resmileri ölüm howply wirusyň ýaýrap başlan sebiti bolan Wuhana barmazlygy we ondan daşary çykmazlygy duýdurdy. Hytaýyň 13 welaýatynda täze raspirator wirusyna 440 adam ýolugdy, şeýle-de ol sebäpli dokuz adam heläk boldy diýip, ýurduň Milli Saglyk Komissiýasy 21-nji ýanwarda maglumat berdi. “Umuman, Wuhana gitmäň. Wuhandakylar siz hem şäherden çykmaň” diýip, komissiýanyň direktorynyň başlygy Li Bin 22-nji ýanwarda aýtdy. Li 11 million ilaty bolan şähere jandarlaryň hem goýberilmeýändigini aýtdy. Читать дальше...

Şweýsariýanyň polisiýasy mundan bäş aý ozal Dawosda sorag eden iki russiýalynyň aslynda rus aňtaw agentleri bolandygyny çaklaýar diýip, Tages-Anzeiger şweýsar gazetinde 21-nji ýanwarda çap edilen giňişleýin hasabatda aýdylýar. Maglumata görä, ellerinde diplomatiki pasportlary bolan şahsyýetler Russiýanyň içalyçylyk operasiýasynyň başlangyç tapgyrynda ekenler. Russiýanyň Berndäki ilçihanasy şweýsar gazetiniň, 21-nji ýanwarda başlanan Bütindünýä Ykdysady Forumyna gabatlap, “boş ýerden gohy turuzmaga” synanyşýandygyny BBC gullugyna aýtdy. Читать дальше...

Mary welaýatynyň jemagat hojalygy edaralarynyň işgärleri köçeleriň, ýollaryň gyralaryna üýşen ýagyn suwlaryny sübseli we pilli arassalamaly bolýandyklaryny aýdyp, bu ýagdaýdan şikaýat edýärler.

Russiýanyň prezidenti Wladimir Putin ýurduň täze hökümetini belläp, onuň düzüminde esasy resmileri, şol sanda daşary işler we goranmak ministrlerini öz wezipelerinde galdyrdy. Bu Putiniň ýurduň konstitusiýasyna üýtgetmeleri girizmegi teklip etmeginiň yz ýanyna gabat geldi. Reformalaryň netijesinde, 67 ýaşyndaky ozalky KGB ofiseriniň dördünji prezidentlik möhleti tamamlandan, ýagny 2024-nji ýyldan hem soňra häkimiýet başynda galmagyna mümkinçiligiň döreýändigi barada çaklamalar orta atyldy. Putiniň... Читать дальше...

Belarusyň prezidenti Aleksandr Lukaşenka Russiýanyň, Moskwa bilen tariffleriň üstündäki dawanyň arasynda, gazak nebitini öz üstünden Belarusa geçirmeýändigini aýtdy. Lukaşenka 21-nji ýanwarda Minskde nebit ekspertleri bilen geçiren duşuşygynda belarus ykdysadyýetiniň ýüzbe-ýüz bolýan ýagdaýlarynyň “has hem çylşyrymlaşýandygyny” aýtdy. “Bu geň, biziň ýaranymyz beýleki ýaranymyzyň nebitini bize akdyrmaýar. Bu nebit pudagyndaky  täsin bir ýagdaý, biz muňa çäre tapmaly bolarys” diýip, Lukaşenka aýtdy. Читать дальше...