Новости за 28.01.2020

Birleşen Ştatlaryň döwlet departamenti döwlet sekretary Maýk Pompeonyň Ukraina we ýene dört ýurda etjek sapary baradaky “National Public Radio” NPR-iň žurnalistini reportýorlar sanawyna goşmady.

Aşgabadyň etegindäki Gurtly obasynyň golaýynda bolan ýol heläkçiliginde üç adam öldi diýip, Azatlyk Radiosynyň Aşgabatdaky habarçylarynyň biri habar berýär.

Türkmenistanyň kanun goraýjylary paýtagtyň bazarlarynda gözegçiligini güýçlendirdiler. Azatlyk Radiosynyň Aşgabatdaky habarçylary şu günler bazarlarda polisiýa işgärleri bilen bir wagtda güýç edaralaryň raýat geýimli işgärleriniň hem köpelendigini habar berýärler.

Aşgabadyň medisina edaralarynda lukmanlara iş wagtynda mobil telefonlaryny ulanmak gadagan edildi.

Owganystanda Türkmenistan-Owganystan-Pakistan- Hindistan (TOPH) gaz geçirijisi barada ençeme ýyl bäri gürrüň edilip gelinýär. Bu proýekte gatnaşýan ýurtlaryň Günbatar Owganystandaky Hyrat welaýatynda geçiren ýygnagyndan soňra, bu taslamada ilerleýiş bolar diýen umyt döräpdi. Ýöne şondan bäri bir ýyl gowrak wagtyň geçendigine garamazdan, TOPH proýektiniň gurluşygy meselesinde owgan topragynda öňe gidişlik bolmady.   “Bu halkara gaz geçirijisiniň taslamasy entegem hyýaly bolmagynda galýar” diýip, ykdysadyýetçi alymlar aýdýarlar. Читать дальше...

Täjik polisiýasy gadagan edilen “Musulman doganlary” toparynyň agzalary bolmakda şübhelenýän 113 adamy tussag etdi. Baş prokuror Ýusuf Rahmonyň 28-nji ýanwarda beren maglumatyna görä, şübhelenýänleriň arasynda dürli uniwersitetleriň ýigrimi işgäri we mugallymy, iki daşary ýurtly we Isfara şäheriniň bir resmisi dagy bar. “Topar güýç bilen hökümeti agdaryp, yslam döwletini esaslandyrmagy maksat edinýär. Ol köp ýurtlarda terrorist we ekstremist guramasy hökmünde gadagan edilendir” diýip, Rahmon aýtdy. Читать дальше...

Älemden satellitleriň üsti bilen alnan suratlardan görnüşine görä, Eýranyň öz satellitini orbita uçurmaga taýýarlyk görýändigine çalym edýär. Geçen ýyl Eýranyň bu boýunça eden üç synanyşygy şowsuz tamamlanypdy. ABŞ Eýranyň bu programa duwlanyp, ballistik raketalaryny özleşdirmegi maksat edinýändigini aýdýar. “Hawa, biz Zafar satellitini orbita uçurmaga taýýarlyk görýäris” diýip, Eýranyň Maglumat we kommunikasiýa tehnologiýalary ministri Mohammad Jawad Azari-Jahromi, ABŞ-nyň media serişdelerinde çykan habarlara jogap edip, çykyş etdi. Читать дальше...

Türkmen delegasiýasy ABŞ-nyň döwlet sekretary Maýk Pompeonyň (Mike Pompeo) Merkezi Aziýada geçirjek duşuşygyna gatnaşyp, beýleki meseleler bilen bir hatarda Owganystandaky ýagdaýlary maslahat eder.

Bolgariýanyň sudy 27-nji ýanwarda ukrain raýaty Oleksiý Moskalenkony (Levin), Ukrainanyň Interpoluň üsti bilen yglan eden gyzyl duýduryşyna laýyklykda, 40 gün möhlet bilen tussaglyga hökümet etdi. Ukraina Moskalenkonyň ukrain aktiwistiniň ölümine getiren hüjümi gurnanlaryň biri bolmakda şübhelenýär. Bolgar prokurorlary Moskalenkonyň ekstradisiýa edilmegi boýunça Ukrainanyň baş prokurorynyň orunbasary Wiktor Trepakdan degişli dokumentleriň gowuşandygyny aýtdylar. Bolgar polisiýasynyň maglumatyna görä... Читать дальше...

Hytaýda täze respirator wirusy sebäpli ölenleriň sany 106 adama ýetdi, şeýle-de muňa ýolugan täze 1 müň 771 ýagdaýyň üsti açyldy diýip, hytaý resmileri 28-nji ýanwarda habar berdiler. 27-nji ýanwardaky ýagdaýa laýyklykda, Hytaý boýunça umumy hasapda 4 müň 515 adam bu wirus bilen keselledi diýip, Milli Saglyk Komissiýasy maglumat berdi. Mundanam başga, dünýä boýunça bu wirusa ýokuşan 48 ýagdaýyň üsti açyldy. Bularyň ählisi ýa hytaý turistleri ýa-da golaýda Hytaýa sapar eden adamlardyr. Bu aralykda Mongoliýa... Читать дальше...

Owganystanyň gündogarynda ABŞ-nyň harby uçary 27-nji ýanwarda ýere gaçdy diýip, ABŞ-nyň we NATO-nyň ýolbaşçylygyndaky güýçler mälim etdiler. Şol bir wagtda, munuň garşydaşyň ot açmagy netijesinde ýüze çykandygy barada yşaratyň ýokdugy hem bellenildi. ABŞ-nyň Owganystandaky güýçleriniň metbugat wekili polkownik Sonny Legettiň sözlerine görä, Bombardier E-11A kysymly harby uçar Gazni welaýatynda ýere gaçypdyr, şeýle-de häzirki pursat munuň sebäpleri bilen baglylykdaky derňew işleri geçirilýär. “Uçaryň gaçmagy boýunça derňew dowam edýär. Читать дальше...