Новости за 05.05.2020

Duşenbe güni irden Aşgabadyň eteginde heläkçilikli ýol hadysasy boldy. Harby ulag ýolagçy awtobusy bilen çakyşdy.

Duşenbe güni Lebap welaýatyna ýene güýçli ýagyn gelip, bir hepde ozalky harasatdan doly dikelmedik regionyň ýaşaýjylary täze, goşmaça kynçylyklar bilen ýüzbe-ýüz boldular. Lebap welaýatynda harasatdan ejir çeken ilat weýrançylygyň netijeleri bilen öz serişdeleriniň hasabyna göreşmegini dowam etdirýän pursady, howpsuzlyk gulluklary Internetde surat, wideo ýerleşdiren raýatlara basyş edýärler. Türkmenabat şäherinde azyk harytlarynyň gytçylygy barha ýitileşip, bahalar hem günsaýyn gymmatlaýar. “Human... Читать дальше...

Türkmenistan BSG-niň COVID-19 bilen bagly ýagdaýy öwrenmek üçin barjak bolýan missiýasyny ýurda goýbermeýär. Muňa garamazdan, türkmen ýolbaşçylary ýurtda koronawirusyň ýokdugyny aýdýan hem bolsalar, kesele garşy halkara tagallalaryny jebisleşdirmek ýaly inisiatiwalary bilen çykyş edýärler.  BSG-niň Ýewropadaky regional edarasynda Azatlyk Radiosyna aýdylyşyna görä, gurama Türkmenistana barmak üçin türkmen ýolbaşçylaryndan henizem çakylyk alyp bilmändir. Bu barada Azatlyga guramanyň metbugat gullugynyň wekili Stefanie Brikman aýtdy. Читать дальше...

"Talyban" owgan hökümetini söweşiji topar bilen gepleşiklere ýol açmak üçin tussaglaryň boşadylmagyny çaltlaşdyrmaga çagyrdy.

Russiýanyň Irkutsk sebitindäki tussaglaryň dogan-garyndaşlary türmede bolan ýowuz gozgalaňdan soň, maşgala agzalary barada jikme-jik maglumat berilmegini talap edip, türmäniň we tussaghana merkeziniň öňünde ýygnandylar. 4-nji maýda Sibiriň Angarsk şäherinde onlarça demonstrant 15-nji düzediş koloniýasynyň we 6-njy tussaghananyň öňünde ýeke adamlyk protestleri geçirdi. Protestleriň bu görnüşi häkimiýetlerden öňünden rugsatnama almagy talap etmeýär. 9-njy aprelde düzediş koloniýanyň administrasiýasy... Читать дальше...

Gyrgyzystanda LGBT jemgyýetlerini goldap çykyş edýän hökümete degişli bolmadyk gurama anyk adam ykballarynyň mysalynda, Türkmenistandaky LGBT wekilleriniň duçar bolýan meseleleri barada hasabat çap etdi. Bu barada “Fergana” neşiri 4-nji maýda habar berdi.

Dünýäde koronawirus pandemiýasyndan ölenleriň sany 250 müň adamdan geçen mahaly, wirus ýokuşanlaryň sany 3,5 milliondan aşdy. Birleşen Ştatlaryň hökümeti ölüm derejesiniň ýiti ýokarlanjakdygyny çaklaýar. Dünýä liderleri wirusa garşy sanjymy tapmaga gönükdirilen barlaglar üçin $8,1 milliard maliýe serişdesini wada berýär. ABŞ-nyň Waşington uniwersitetiniň Saglyk ölçegleri we baha beriş institutynyň (IHME) aladaly çaklamasy, Günbatar Ýewropanyň aglaba böleginiň ençeme hepdeläp dowam eden çäklendirmeleri gowşadan mahalyna gabat geldi. Читать дальше...

“The New York Times” neşiri eminler tarapyndan Russiýanyň prezidenti Wladimir Putiniň hökümeti barada “gaty töwekgelçilikli habar berlen haýran galdyryjy hekaýalar” diýlip atlandyrylan maglumatlary üçin Pulitzer baýragynyň halkara hasabat kategoriýasynda ýeňiji boldy. Ilkibada 20-nji aprelde geçirilmegi meýilleşdirilen Pulitzer dabarasy, koronawirus pandemiýasy barada maglumat taýýarlamak bilen meşgullanýan Pulitzer Geňeşiniň agzalaryna has köp wagt bermek üçin yza süýşürilipdi. Pulitzer baýrak... Читать дальше...

Aşgabat şäheriniň 15-nji orta mekdebiniň okuwçysy özüni dördünji gatdan aşak oklady. Häzirki wagt onuň saglyk ýagdaýy agyr bolup, ol keselhananyň intensiw bejeriş bölüminde saklanýar diýip, Azatlyk Radiosynyň habarçylarynyň biri paýtagtdan habar berýär.

Birleşen Milletler Guramasynyň Çagalar gaznasy (UNICEF) 2019-njy ýylda konflikt we ýowuzlyk sebäpli jemi 46 million adamyň öz ýurtlarynda bir ýerden başga ýere göçmeli bolandygyny we olardan takmynan 19 million sanysynyň çagalardygyny aýdýar. Bu häzire çenli hasaba alnan iň ýokary görkezijidir. 5-nji maýda ýaýradylan "Lost at Home" atly hasabatda UNICEF öz ýurtlarynda içerki göçe-göçlüge sezewar bolan adamlaryň sanynda ep-esli artyşyň bolandygyna ünsi çekip, bu görkezijiniň mundan on ýyl ozal 25... Читать дальше...

Albaniýanyň hökümetleri Germaniýanyň polisiýasy tarapyndan gözlenýän Täjigistanyň graždanynyň saklanandygyny habar berdi. Oňa “Yslam döwleti” toparlanyşygyna agzalykda şübhe bildirilýär. Bu tussaglyk GFR-de iki hepde mundan öň Täjigistandan bolan dört adamyň tussag edilmeginiň yz ýanyna gabat geldi. Olar Demirgazyk Reýn - Westfalende terror aktyny geçirmäge taýýarlanýan wagtynda saklanypdyrlar. Albaniýanyň polisiýasynyň 30-njy aprelde mälim etmegine görä, ýurduň Terrorizme garşy göreş edarasy Interpol operasiýasy bilen birlikde... Читать дальше...

Türkmenistanyň gündogar sebitlerine ýene güýçli ýagyn geldi. Lebap we Mary welaýatlarynda bolan weýrançylykly harasatdan bäri bir hepde wagt geçse-de, türkmen resmileri we mediasy apy-tupanyň netijeleri we ondan ejir çeken adamlar barada dymmagyny dowam etdirýärler.

Türkiýede türkmen raýatlarynyň ýasama arakdan zäherlenip ölmegi bilen bagly, Türkmenistanyň Baş prokuraturasynyň dört işgäri Stambul şäherine sapar etdi.

“RIA Novosti”  neşiriniň habaryna görä, Bütindünýä Saglyk Guramasynyň (BSG) Türkmenistandaky wekilhanasynyň ýolbaşçysy Paulina Karwowska ýurtdaky koronawirus karantin merkezlerine baryp gördi we türkmen häkimiýetleriniň koronawirusa garşy görýän çärelerine baha berdi.