Новости за 12.05.2020

Çeh mediasy Kremliň gaharyny getiren işlere baş goşan azyndan üçe golaý pragaly resmini zäherlemek dildüwşügidigi aýdylýanyň çäginde iki aý töweregi mundan ozal içi risinli çemodan bilen ýurda giren gizlin rus diplomatydygyny aýdýan adamyny anyklady.

Azatlyk Radiosynyň habarçylarynyň we çeşmeleriniň maglumatlaryna görä, Aşgabadyň ýokanç keseller hassahanasyna welaýatlaryň keselhanalaryndan COVID-19 keselli näsaglar alnyp barylýar. Üstesine, soňky hepdelerde paýtagtda ýogalýan we jaýlanýan adamlaryň sany esli artypdyr. Bu ýagdaýy Türkmenistanyň resmi edaralarynda tassyklatmak we goşmaça maglumat almak Azatlyga başartmady. Türkmen ýolbaşçylary COVID-19 keseliniň ýurtda ýokdugyny aýtmagyny dowam etdirýärler.  Aşgabatdaky habarçylarymyzyň sözlerine görä... Читать дальше...

Kiprde ýaşaýan türkmen raýatlary resmi Aşgabadyň mundan iki hepde töweregi ozal Lebapda we Maryda turan tebigy harasatda ejir çekenlere hemaýat bermeýändigine nägilelik bildirip, protest geçirdiler. Türkmen häkimiýetleri Lebapdaky harasatda ejir çeken ilata hökümet derejesinde hemaýatyň berilip-berilmeýändigi barada dymýan, daşary ýurtlardaky türkmenistanlylaryň meýletin toplan ýardam pullaryny paýlatmaýan pursady, ýurduň edara-kärhanalaryndan dikeldiş işleri üçin pullaryň tutuljakdygyny duýdurýar. Читать дальше...

“Tesla” kompaniýasynyň ýerine ýetiriji direktory Elon Musk, koronawirus pandemiýasy sebäpli edara-kärhanalary ýapyk saklamak baradaky buýruga garamazdan, şereketiň Kaliforniýadaky zawodynda önümçiligiň gaýtadan başlajakdygyny aýtdy. Musk bu baradaky kararyny Twitter sosial ulgamynda mälim edip, özüniň önümçiligiň hatarynda boljakdygyny we tussag edilmek töwekgelçiligine taýýardygyny aýtdy.  "Eger kimdir biri tussag edilse, men munuň diňe özüm bolmagyny soraýaryn" diýip, ol belledi. Şeýle-de... Читать дальше...

Azatlyk Radiosynyň habarçylary ýurtda dowam edýän ykdysady kynçylyklaryň fonunda ilat arasynda ogurlyk we talaňçylyk hadysalarynyň köpelýändigini habar berýärler.

Moskwanyň golaýynda ýerleşýän Krasnogorsk şäherindäki garrylar öýünde bolan ýangynda ýaralanan ýene iki sany garry adamyň ölmegi bilen, wakada ölenleriň sany 11 adama ýetdi. Şäher resmileriniň 12-nji maýda beren maglumatyna görä, ýangyn sebäpli keselhana ýerleşdirilen dokuz garry adamdan iki sanysy gijäň ýary aradan çykdy. Ýangyn 11-nji maýda gijäň ýary töweregi hususy eýeçilikdäki garrylar öýünde döredi we wakanyň bolan ýerinde dokuz adam öldi. Resmiler ýangynyň döremegine bozuk elektrik siminiň sebäp bolandygyny aýtdylar. Читать дальше...

12-nji maýda ýaragly adamlar “Serhetsiz lukmanlar” guramasynyň owgan paýtagty Kabulyň günbatar bölegindäki lukmançylyk klinikasyna hüjüm etdiler diýip, Owganystanyň Içeri işler ministrliginiň metbugat wekili Azat Ýewropa/Azatlyk Radiosyna beren maglumatynda aýtdy.  Ministrligiň metbugat wekiliniň orunbasary Marwa Amini bu ýerde owgan ýörite güýçleriniň ýerleşdirilendigini hem belledi. Wakada pidalaryň bolandygy ýa-da bolmandygy barada häzirlikçe takyk maglumat ýok. Şeýle-de, hüjümiň jogapkärçiligini heniz hiç bir topar öz üstüne almady. Читать дальше...

Russiýanyň ikinji uly şäheri Sankt-Peterburgdaky keselhanada bolan ýangynda bäş sany koronawirus näsagy öldi. Ýerli häkimiýetler 12-nji maýda irden bolan ýangynyň döremegine Sankt-Jorj keselhanasynyň altynjy gatynda işleýän emeli öýken wentilýator enjamyndaky näsazlygyň sebäp bolan bolmagynyň örän ähtimaldygyny aýdýarlar. Ölen bäş näsagyň hemmesiniň bir otagdadygyny we binanyň şol bir gatyndaky 150 hassanyň ewakuasiýa edilendigini, şäheriň prokurory Sergeý Litwinenko aýtdy. Sakt-Peterburgyň kanun goraýjy organlarynyň resmileri... Читать дальше...

Özbegistanyň öňki merhum prezidentiniň agtygy, kiçi- Islam Kerimow özüniň Instagram sahypasynda we onuň aýal dogany Iman Facebook  sahypasynda, ýurduň häzirki prezidenti Şawkat Mirziýaýewe ýüzlenip, Özbegistanda ejesinden galan aktiwleriň alynmagynyň sanawyny çap etdiler. Özbegistanyň ilkinji prezidentiniň gyzynyň eýeçiliginden döwletiň haýryna geçirilen aktiwleriniň arasynda «Uzbekiston poçtasi» («Özbegistanyň poçtasy»), Perfectum Mobile, ýagny öýjükli operatory, paýtagt Daşkendiň iň gowy ýerlerinde 98 kwartira we beýlekiler bar. Читать дальше...

Eýranyň demirgazygyndaky Golestan welaýatynda ýerleşýän serhetçiler Türkmenistana öri meýdanlara we fermalara ýaýran ýangyny söndürmäge kömek etdiler. Bu barada Eýranyň “Fars” habar agentligi ýerli komandire salgylanyp, 10-njy maýda habar berdi.