Новости за 05.08.2019

Türkmenistanyň Balkan welaýaty birinji Hazar ykdysady forumyna taýýarlyk görýär. Bu taýýarlyklar bilen baglylykda, balkanly býujet işgärleri Türkmenbaşy şäheriniň köçelerini arassalamaga, jaýlary reňklemäge mejbur edilýär.

Hindistanyň hökümeti Kaşmire müňlerçe esger ibermek, regionyň telefon hem internet baglanyşyklaryny kesmek bilen bu ynjalyksyz gimalaý regionynyň aýratyn statusyny ýatyrmak boýunça herekete geçdi.

Türkmenistanyň häkimiýetleri öý hojalyk hyzmatlary üçin bergidarlary anyklamak we ilatyň kommunal hyzmatlary üçin tölegleri berjaý etmegini gazanmak boýunça çäre görmegini dowam etdirýärler. Hususan-da, şu günler döwlet işgärleri öz zähmet haklaryny almak üçin öý hojalyk hyzmatlary, şol sanda suw, gaz we elektrik togy üçin bergileriniň ýokdugyny subut etmäge mejbur bolýarlar.  Azatlyk Radiosynyň habarçysy Lebap welaýatyndaky häzirki ýagdaý barada habar berýär:  - Lebaply býujet işgärlerine iýul... Читать дальше...

Türkmenistanyň Mary welaýatynyň Mary şäheriniň bankomatlarynda nagt pul ýetmezçiligi dowam edýär. Zähmet, pensiýa, talyp haklaryny hem-de kömek pullaryny nagtlaşdyrmak isleýän raýatlar gije sagat 10:00-dan başlap, şäheriň dürli banklarynda ýerleşdirilen bankomatlaryň öňünde nobata durýarlar.

Daşary ýurt kompaniýalary üçin Türkmenistanyň biznes şertleriniň ygtybarsyzdygy barada çykýan hasabatlaryň fonunda, düýbi Nýu-Ýorkda ýerleşýän Westport Trading Europe Limited amerikan kompaniýasy Türkmenistana maýa goýýar.

Hindistan Kaşmiriň özi tarapyndan dolandyrylýan regionlaryna goşmaça esgerleri ýerleşdirdi we bu sebite sapar edýän müňlerçe adamyň çykmagyna görkezme berdi. Bu aralykda, Pakistanyň lideri ABŞ-nyň prezidenti Donald Trampa ýüzlenip Gimalaýlardaky sebitiň üstündäki dawada araçy bolup çykyş etmegine çagyrdy. 5-nji awgustda Kaşmiriň Hindistan tarapyndan gözegçilik edilýän sebitinde internet we telefon hyzmatlary togtadyldy, şeýle-de döwlet ýolbaşçylary öý tussaglygyna ýerleşdirildi. Mundan bir gün öň... Читать дальше...

Eýranyň Daşary işler ministrliginiň metbugat wekili Abbas Mousawi Kaspiniň hukuk derejesi boýunça kesgitleme baradaky “nätakyk” diýip häsiýetlendiren habarlary inkär etdi. Bu barada Eýranyň Tasnim habarlar gullugy IRNA agentligine salgylanyp 4-nji awgustda maglumat berdi. “Kaspiniň hukuk derejesi boýunça hiç hili täze özgerilişik bolmady. Şeýle-de, gepleşikler [kenarýaka] döwletleriň arasyndaky hyzmatdaşlykdan we maslahatlardan aňry ilerlemedi” diýip, eýran resmisi sözüne goşdy. Mousawi Kaspiniň... Читать дальше...

Günorta Koreýanyň harbylary ABŞ-nyň güýçleri bilen planlaşdyrylan harby türgenleşikleriň,  Demirgazyk Koreýanyň bularyň Waşington bilen Phenýanyň arasyndaky ýadro gepleşiklerine ýaramaz täsir ýetijekdigi baradaky duýduryşlaryna hem garamazdan, geçiriljekdigini mälim etdi. Günorta Koreýanyň Goranmak ministrliginiň 5-nji awgustda beren maglumatyna görä, esasan kompýuterde düzülen harby türgenleşikleriň çäginde uruş döwri koreý esgerleriniň dolandyryşyny Waşingtondan Seule geçirmek mümkinçilikleri barlanar. Читать дальше...

Täjigistanyň günorta sebitinde uly bolmadyk bir uçar heläkçilige uçrady. Hadysada uçaryň piloty heläk boldy, şeýle-de ikinji pilot ýaralandy. Russiýada öndürilen “Antonow An-2” kysymly uçar 4-nji awgustda, paraşýutçylaryň bir toparyny bellenilen ýere elteninden soň, paýtagt Duşenbeden 30 kilometr uzaklykdaky Fakhrabad türgenleýiş bazasyna gonuşy amala aşyrjak bolan pursady heläkçilige uçrady. Täjigistanyň Harby Goldaw Jemgyýetiniň bir wekiliniň Azatlyk Radiosynyň Täjik gullugyna beren maglumatyna görä... Читать дальше...

Birleşen Ştatlaryň Döwlet sekretarynyň Günorta Aziýa işleri boýunça kömekçisiniň wezipesini ýerine ýetiriji Alis Wells (Alice Wells) şu hepde Yslamabada sapar edip, Pakistanyň resmileri bilen Owgan parahatçylyk gepleşiklerini maslahat eder. Atlandyrylmasyzlygyny soran pakistan resmileriniň biriniň Azatlyk Radiosyna beren maglumatyna görä, Wells we ABŞ-nyň wekiliýet topary 5-nji awgustda Yslamabada geler. Resmiler Wellsiň saparynyň gün tertibi bilen baglylykda jikme-jik maglumatlar bermediler. Читать дальше...