Hindistan Kaşmire goşmaça esgerleri ýollaýar
Bu aralykda, Pakistanyň lideri ABŞ-nyň prezidenti Donald Trampa ýüzlenip Gimalaýlardaky sebitiň üstündäki dawada araçy bolup çykyş etmegine çagyrdy.
5-nji awgustda Kaşmiriň Hindistan tarapyndan gözegçilik edilýän sebitinde internet we telefon hyzmatlary togtadyldy, şeýle-de döwlet ýolbaşçylary öý tussaglygyna ýerleşdirildi.
Mundan bir gün öň, Pakistan Hindistany gadagan edilen klaster bombalaryny ulanyp, parahat ilatyň arasyndan iki adamy öldürmekde we 11-sini ýaralamakda aýyplady. Hindistan bulary ret etdi.
Kaşmir Hindistan we Pakistan tarapyndan ikä bölünendir. Ýurtlaryň her biri gürrüňi gidýän territoriýanyň özüne degişlidigini aýdýar. Ýurtlar 1947-nji ýylda Britaniýadan garaşsyzlygyny alanyndan soň, bu sebit üstünde iki gezek uruşdylar.