ABŞ-nyň dini azatlyklar hasabaty Hytaýyň uýgurlara çemeleşişini tankytlaýar

Hytaýdaky musulman uýgurlar dowamly ýagdaýda “elhenç kemsitmelere” sezewar edilýärler; emma, bu hereketleri üçin Pekiniň hökümeti juda az, ýa asla-da hiç hili jogapkärçilik çekmeýär diýip, ABŞ-nyň federal komissiýasynyň dini azatlyk boýunça ýaýradan hasabatynda aýdylýar.


Hasabat ABŞ-nyň Halkara Dini Azatlyklar boýunça Komissiýasy tarapyndan 29-njy aprelde çap edildi.


Onda Döwlet Departamentine Russiýany we Özbegistany din azatlygy boýunça aýratyn alada döredýän ýurtlaryň sanawyna goşmagy maslahat berilýär. “Esasy alada döredýän” ýurtlaryň sanawynda häzir beýleki döwlet bilen bir hatarda Türkmenistan, Täjigistan, Eýran, Pakistan dagy hem bar.


Rekommendasiýalarda Russiýada 2018-nji ýylyň dowamynda hökümetiň dini azlyklara garşy “repressiw häsiýetli basyşlarynyň artandygy”; şeýle-de Özbegistandaky özgerişlere garamazdan, onda “dini azatlyklara garşy ýowuz çäklendirmeleriň saklanyp galýandygy” bellenilýär.


Dini Azatlyklar boýunça Komissiýa Hytaýyň esasan demirgazyk-günbataryndaky Şinjiang sebitinde ýaşaýan azlykdaky uýgur musulmanlaryna görkezilýän basyşlary hem ýazgarýar.


Hytaýda 15 milliondygy çaklanylýan uýgurlar Pekiniň alyp barýan syýasatyna garşy uzak wagtdan bäri şikaýat edip gelýärler.