Новости за 19.04.2019

Aşgabatda anna güni ýagan ýagyşdan soň, paýtagtyň Parahat-7 etrapçasyna  kommunal hojalyk gullugynyň işgärleri we ýörite tehnika çekildi.

Birleşen Ştatlaryň “Talyban” güýçleri bilen parahatçylyk ylalaşygy ugrunda tagalla edýän ýörite wekili “Talyban” bilen owganlaryň uly göwrümli delegasiýasynyň arasynda şu hepdäniň ahyrynda geçirilmegi planlaşdyrylan parahatçylyk gepleşikleriniň soňa goýulmagy dogrusynda lapykeçligini beýan etdi. Owgan syýasatçylarynyň we raýat jemgyýetiniň wekilleriniň ortaça 250 sanysynyň 19-njy aprelde Dohada geçiriljek owganara diýlip atlandyrylýan gepleşiklerde “Talyban” araçylary bilen duşuşmagyna garaşylýardy. Читать дальше...

Birleşen Ştatlaryň ýörite geňeşçisi Robert Mueller 2016-njy ýylyň saýlawlaryna ruslaryň gatyşygy barada ýurduň aňtaw gulluklarynyň gelen netijelerini tassyklady.

Türkmenistanyň welaýatlarynyň ýaşaýjylary ýene-de un gytçylygy bilen ýüzbe-ýüz boldular. Azatlyk Radiosynyň habarçylarynyň we garaşsyz habar çeşmeleriniň maglumatlaryna görä, Mary welaýatynyň käbir etrabynda un satuwda ýok, beýlekilerinde çäkli görnüşde satylýan unuň söwdasy gijikdirilip amala aşyrylýar.  "Etraplarda ýene-de düýpden un ýok. Serhetabat etrabynda Ymambaba, Garaköl obalarynda bir-iki hepde bäri unuň ýetmezçiligi ýiti duýulýar. Adamlar umydyny ýitirýärler" diýip, Azatlyk Radiosynyň regiondaky habarçysy aýdýar. Читать дальше...

Serbiýanyň prezidenti Aleksandar Wuçiç özüniň hökümetini agdarmak maksady bilen, birnäçe hepde bäri geçirilýän protestlere garşylyk görkezmäge synanyşýan mahaly, onuň tarapdarlary serb paýtagty Belgradda ýöriş geçirmegi planlaşdyrýarlar. 19-njy apreldäki ýöriş, oppozision protestçiler Belgradda jemlenenden bir hepde golaý wagt soňa gabat geldi. Protestleri gurnaýjylar bu wakany soňky aýlarda oppozisiýanyň Wuçiçe garşy geçiren iň uly protest çäresi diýip atlandyrypdylar. Belgradda hem-de beýleki... Читать дальше...

Aşgabadyň polisiýa işgärleriniň hususy awtoulagynda kireý edýän sürüjileri saklap, olara jerime salmak çäresi güýçli depginde dowam edýär. Bu çäräniň fonunda, döwlet taksileriniň bahasy telim esse gymmatlady.

“Roýters” habar agentligi daşary ýurt kompaniýalarynyň Türkmenistany suda bermek üçin nobata durýandyklaryny habar berýär, ýerli synçylar meseläniň diňe algyly kompaniýalar bilen çäklenmeýändigini aýdýarlar.

Belarusyň prezidenti Aleksandr Lukaşenka ýurtda nobatdaky prezidentlik saýlawlarynyň 2020-nji ýylda, parlament saýlawlarynyň 2019-njy ýylyň dowamynda geçiriljekdigini yglan etdi. Lukaşenka bu barada 19-njy aprelde halka we parlamente ýüzlenip eden ýyllyk çykyşynda aýtdy. Belarus prezidentiniň bu baradaky çykyşy, käbir syýasatçylaryň saýlaw kampaniýalarynyň döwrüniň üst-üstüne gelmezligi üçin prezidentlik we parlament saýlawlarynyň geçiriljek senelerini aýyrmak barada eden çagyryşlarynyň yzýanyna gabat geldi. Читать дальше...

19-njy aprelde Russiýanyň Daşary işler ministrligi ABŞ-nyň ýörite geňeşçisi Robert Muelleriň 2016-njy ýylda geçirilen prezidentlik saýlawlary barada geçiren derňewinde Russiýanyň saýlawlara gatyşygy boýunça hiç hili delil tapmandygyny “boýun alandygyny” aýdyp, galp beýanat etdi. Muelleriň hasabatynyň redaktirlenen görnüşi Kongrese iberildi we 18-nji aprelde onlaýn çap edildi. Hasabatyň bu görnüşi Russiýanyň saýlawlara gatyşygy baradaky subutnamany jikme-jikleşdirýär we Birleşen Ştatlaryň aňtaw toparynyň tapan öňki netijelerini tassyklaýar. Читать дальше...

Demirgazyk Irlandiýanyň polisiýasy gijäň ýary Londonderri şäherinde bolan gozgalaňlar mahalynda atylyp öldürilen žurnalistiň ölümine “Täze IRA” diýlip atlandyrylýan dissident respublikan toparyň jogapkär bolup biljekdigine güman edilýändigini aýdýar. 19-njy aprelde Demirgazyk Irlandiýanyň polisiýa gullugy 29 ýaşly derňewçi žurnalist Lira Makkiniň (Lyra McKee) gozgalaňlar döwründe atylan okdan soň ölendigini mälim etdi. Makki özüniň soňky tweetinde polisiýa bilen gozgalaňçylaryň arasyndaky gapma-garşylygy... Читать дальше...

Türkmenistanda ykdysady kynçylyklaryň fonunda ýurdy terk edip, eklenç gözleginde daşary döwletlere gidýän raýatlar barada Azatlyk Radiosyna has köp maglumatlar gelip gowuşýar.