Kabulda janyndan geçeniň hüjüminde dört adam öldi
Kabulyň eteginde owgan howpsuzlyk güýçlerine garşy janyndan geçeniň amala aşyran hüjüminde dört adam öldi.
Içeri işler ministrligiň metbugat wekiliniň Azatlyk Radiosyna beren maglumatyna görä, Paghman etabynda içi partladyjyly ulagdaky bir janyndan geçen harbylaryň kerwenine hüjüm edipdir. Wakada başga-da alty adam ýaralanypdyr.
Öldürilenleriň we ýaralananlaryň ählisi owgan howpsuzlyk güýçleriniň agzasydy.
Hüjümiň jogapkärçiligini häzirlikçe hiç bir topar öz üstüne almady.