Новости за 19.12.2018

Hindistanyň Tamilnad gündogar ştatynda awçylar dört adamy öldüren pili tutdular. Winaýaka mifologiýa adyny alan bu pil ýarym ýylyň dowamynda Koimbatur şäheriniň töweregindäki oba ýaşaýjylaryny gorky astynda saklady. Pili tutup, ýabany haýwanlar üçin penahana iberdiler. Jikme-jigi Reutersyň maglumatynda.

Türkmenistanyň orta mekdeplerinde gyşky kanikullaryň başlanmagyna iki hepdeden hem az wagt galanda, Aşgabat şäherindäki we welaýatlaryň administratiw merkezlerindäki orta mekdeplerde ata-eneleriň ençemesinden öz çagalaryny sagaldyş merkezlerine ibermek talap edilip başlandy.

Gyrgyz prezidenti Sooronbaý Jeenbekow özünden öňki prezident Almazbek Atambaýew bilen “söweşmeýändigini” aýdýar.

Türkmenistan 2022-nji ýylda geçiriljek ilat we ýaşaýyş jaý fondunyň ýazuwyna taýýarlyk görýär.  Statistika boýunça döwlet komitetiniň ýolbaşçysy H.Gurbanow bu barada 17-nji dekabrda hökümet maslahatynda hasabat berdi we bu ugurdan BMG-niň ösüş fondy we beýleki abraýly halkara guramalary bilen aktiw hyzmatdaşlygyň ýola goýlandygyny aýtdy. Resminiň sözlerine görä, hyzmatdaşlyk esasan döwlet statistika sistemasynyň täzelenmegine we dünýä tejribeleriniň ornaşdyrylmagyna gönükdiriler.      Hökümetiň... Читать дальше...

Duşenbe güni geçirilen hökümet maslahatynda ýurduň maliýe we ykdysadyýet ministri ähli edara-kärhanalarda şu ýylyň dekabr aýy üçin degişli tölegleriň doly geçirilendigini habar berdi.

Halkara Walýuta Fondy Ukraina üçin 3.9 milliard dollarlyk karz şertnamasyny tassyklady. Bu prezident Petro Poroşenkonyň öňümizdäki ýylda geçmeli prezidentlik saýlawlarynyň öňüsyrasyndaky ýeňişi hökmünde häsiýetlendirildi. Mundanam başga, Bütindünýä Banky Ukrainanyň halkara bazarlaryndan 1 milliard dollary karz alyp bilmegi üçin 750 million dollarlyk karz kepilligini yglan etdi. “Dünýäniň öňdebaryjy maliýe institutlarynyň netijeleri biziň ösüşimiziň durnuklylygyny kepillendirýär, şeýle-de Ukrainanyň... Читать дальше...

Şu ýylyň hasabyna dünýä boýunça öldürilen 53 žurnalistiň 34-inden olaryň alyp barýan işi bilen baglylykda ar alnypdyr. Bu barada media azatlygyna gözegçilik edýän, düýbi Nýu-Ýorkda ýerleşýän Žurnalistleri Goramak boýunça Komitet maglumat berdi. Komitet şu ýyl žurnalistik işi üçin yzarlanmak howpunyň geçen ýylka garanyňda hem artandygyny aýtdy. Şu hepdäniň başynda düýbi Parižde ýerleşýän Serhetsiz Reportýorlar Guramasy hem 2018-nji ýylyň dowamynda 80 žurnalistiň öldürilendigi barada hasabat çap edipdi.

Ak Tam, adam hukuklaryny depeleýän we korrumpirlenen resmilere garşy ABŞ-nyň kanuny esasynda, Özbegistanyň, Russiýanyň, Ukrainanyň we beýleki döwletleriň emeldarlaryna garşy girizilen maliýe we syýahat gadagançylyklarynyň möhletini uzaltdy. Geçen ýyl ozalky özbek prezidenti Yslam Kerimowyň uly gyzyna, Russiýanyň baş prokurory Ýuriý Çaýkanyň ogluna, Ukrainanyň polisiýasynyň kommandirine we beýlekilere garşy sanksiýalar kabul edilipdi. Bu sanksiýalar 2016-njy ýylda kabul edilen Magnintskiý Global Aktynyň çäklerinde girizilipdi. Читать дальше...

Owgan hökümetiniň wekilleri “Talyban” bilen geçirilýän gepleşiklere gatnaşmak üçin Birleşen Arap Emirliklerine geldiler. ABŞ-nyň howandarlygynda geçirilýän gepleşikler üç günläp dowam eder. Bu parahatçylyk gepleşiklerine resmi ýagdaýda girişmek üçin ädilen möhüm ädim hökmünde häsiýetlendirildi. Sişenbe güni Kabulyň baş araçysy Abdul Salam Rahimi ABŞ-nyň parahatçylyk boýunça ýörite wekili Zalmaý Khalilzad bilen Abu Dabide duşuşdy. Owganystanyň baş dolandyryjysy Abdullah Abdullahyň metbugat wekili... Читать дальше...

“The Economist” neşiri "ýylyň ýurdy" hökmünde Ermenistany saýlady. Neşir köçe protestleriniň netijesinde häkimiýetiň parahatçylyk ýagdaýda çalyşmagy bilen Günorta Kawkaz döwletinde “demokratiýa we täzelenmäge mümkinçiligiň” dörändigini aýtdy. Düýbi Londonda ýerleşýän žurnal korrupsiýa garşy iş alyp baran ozalky žurnalist we oppozisiýa syýasatçysy Nikol Paşiniýanyň “korrupsiýa we oňaýsyzlyklara garşy nägilelikleriň tolkunynda kanuny ýagdaýda häkimiýet başyna geçendigini” belledi. Ençeme hepdeläp... Читать дальше...

British Airways howaýollary kompaniýasy öňümizdäki tomusdan başlap Pakistana uçuşlaryny ýaňadan ýola goýjakdygyny mälim etdi. Mundan on ýyl töweregi ozal kompaniýa, howpsuzlyk howatyrlanmalary sebäpli, bu ugurdaky uçuşlaryny togtadypdy. Britan kompaniýasy 2019-njy ýylyň iýunyndan başlap, Lonodonyň “Heathrow” aeroportyndan Pakistanyň paýtagty Yslamabada hepdede üç gün uçuşlaryň amala aşyryljakdygyny aýtdy. 2008-nji ýylda Yslamabadyň myhmanhanalarynyň birinde janyndan geçeniň hüjümi netijesinde 50 töweregi adamyň heläk bolmagyndan soň... Читать дальше...