Новости за 06.12.2018

Türkmenistanda “Türkmenpoçta” poçta aragatnaşyk döwlet kompaniýasynyň tizleşdirilen halkara poçta hyzmatlarynyň bahasy ortaça 50% gymmatlady.

Aşgabadyň harby bölümindäki prezidentiň gorag polkunda çagyryş boýunça harby gullugy geçýän lebaply esgeriň öz janyna kast edip, heläk bolandygyny, merhumyň goňşusy Azatlyk Radiosyna habar berdi.

Kubada penşenbe güni irden mobil internet işläp başlady. Bu hyzmaty ETESCA atly döwlet telekommunikasiýa kompaniýasy üpjün edýär. Jikme-jik maglumatlar Reuter agenliginiň reportažynda.

CNN Birleşen Ştatlaryň Gara deňze uruş gämilerini salmak barada plan düzýändigini habar berýär, bu täzelik Ukraina bilen Orsýetiň arasyndaky dartgynlyklaryň derejesiniň ýokary bolmagynda galýan wagtyna gabat geldi.

Türkmenistanyň paýtagtynda ýaşaýyş jaýlarda ölçeýjileri oturtmak boýunça resmi çäreler dowam etdirilýär. Azatlygyň habarçysynyň öýlere aýlanýan resmileriň we gaz edarasynyň wekillerine salgylanyp, habar bermegine görä, ölçeýjileri oturmak üçin 15-nji dekabra çenli möhlet berlipdir.  ​Gazyň sarp edilişini ölçeýji gurallaryň köpçülikleýin oturdylmagy, sentýabryň aýagynda ýurt ýolbaşçysynyň ilata gazy, suwy we belli bir möçberde togy mugt bermek boýunça öňki ýeňillikleri doly ýatyrandygyny yglan etmeginiň yzýany, oktýabrda güýçlenipdi. Читать дальше...

5-nji dekabrda Türkmenistanyň Balkan, Daşoguz we Lebap welaýatlarynyň merkezlerinde “Türkmeniň ak öýi” binalarynyň düýbüni tutmak dabaralary boldy.

BMG Ýemende barýan urşy togtatmak tagallalarynyň çäginde, soňky iki ýylyň içinde ilkinji gezek parahatçylyk gepleşikleriniň nobatdaky tapgyryny geçirýär. Ýörite wekil Martin Griffiths 6-njy dekabrdan başlap Şwesiýada dürli taraplaryň gatnaşmagyndaky gepleşikleri geçirer. BMG konflikti bes etmek üçin ençeme tapgyr gepleşikleri gurnapdy. Emma, uzak möhletleýin oňaýly çözgüdi tampak başartmandy. 2014-nji ýyldan bäri konfliktde onlarça müň adam öldi. BMG-niň resmileri Eýran bilen ilteşikli huthi... Читать дальше...

CNN ABŞ-nyň Gara deňze özüniň harby gämilerini ýollamagy planlaşdyrýandygyny habar berýär. Bu Ukraina bilen Russiýanyň arasyndaky gatnaşyklaryň dartgynly wagtynda bolup geçýär. CNN-iň maglumatyna görä, ABŞ harbylary Döwlet Departamentinden gämileriň Bosfor we Dardanelly suw ýol geçelgelerinden geçmeginiň mümkindigi barada Türkiýä duýdurmagyny sorapdyrlar. Bu suw ýol geçelgeleri Stambuly ikä bolup, Ortaýer deňzini Gara deňiz bilen birleşdirýär. CNN bu maglumaty üç çeşmeden alandygyny aýdýar. Habary häzirlikçe tassykladyp bolmady. Читать дальше...

Russiýanyň Goranmak ministrligi täze lazer ýaraglary ulgamyny äşgär etdi. Ministrligiň Twitter hasabynda ýerleşdirilen wideoda Pereswet ulgamynyň ammardan çykarylýan pursatlary görkezildi. Prezident Wladimir Putin 1-nji martda eden çykyşynda, ýurduň harbylarynyň ýokary derejeli täze ýaraglaryň üstünde işleýändiklerini aýdypdy. Şol pursat Putin “Biz lazer ýaraglary babatynda uly öňe gidişlikleri gazandyk” diýip, çykyş edipdi. “Bu ýöne bir taslama, plan däl. Bu önümçiligiň irki tapgyrynda hem däl. Читать дальше...

Onlarça gyrgyz aktiwisti BMG-niň Bişkekdäki edarasynyň öňünde demonstrasiýa geçirip, Hytaýyň demirgazyk-günbataryndaky Şinjiang sebitindäki etniki halklara dessine hemaýat berilmegini soradylar. “Hytaý faşizmine ýol ýok!” ýazgyly plakatly protestçiler BMG-niň baş sekretary Antonio Guterresden Şinjiangdaky etniki gyrgyzlary, gazaklary we uýgurlary “yzarlamalardan” halas etmegi soradylar. Demonstrantlar BMG-niň Howpsuzlyk Geňeşiniň bu mesele boýunça ýörite rezolýusiýany kabul etmegini hem soradylar. Читать дальше...

Ermenistan Kollektiwleýin Howpsuzlyk Ylalaşygy Guramasynyň (KHYG) 6-njy dekabrda Ýerewanda geçmeli sammitiniň yza süýşürilmegi boýunça hiç hili haýyş bilen ýüz tutmandygyny aýdýar. Bu barada premýer-ministriň wezipesini ýerine ýetiriji Nikol Paşiniýanyň metbugat wekili Arman Egoiýan Azatlyk Radiosyna gürrüň berdi. Mundan birnäçe sagat öň, rus prezidenti Wladimir Putiniň kömekçisi Ýuriý Uşakow sammitiň, Ermenistanyň haýyşy esasynda, geljek ýylyň näbelli wagtyna çenli yza süýşürilendigini aýdypdy. Читать дальше...