Trampyň hödürlän Kwanosy Ýokary suduň sudýalygyna tassyklandy
Bret Kawano (Brett Kavanaugh), Senatda gapma-garşylykly seçgi tassyklanandan birnäçe sagat soň, ABŞ-nyň Ýokary sudunyň 114-nji sudýasy hökmünde sudda guralan hususy dabarada kasam kabul etdi.
6-njy oktýabrda bolan kasam kabul edişlik ýüzlerçe anti Kawano protestçisiniň Waşingtonda Ýokary suduň basgançaklaryny eýelän wagtynda geçirildi.
Polisiýa 6-njy oktýabrda bu protestçileriň 164-siniň tussag edilendigini aýtdy.
Respublikanlaryň kontrollygyndaky Senat 6-njy oktýabrda Kawanonyň peýdasyna (50-48) ses berdi.
Bu ses berişlik Kawanobyň kandidaturasy üstünde turan çekeleşikli dawany soňlady, bu çekeleşik onuň 1980-nji ýyllarda jynsy taýdan azar beren aýallarynyň aýyplamalary bilen güýçlendi. Kawana özüne ýöňkelýän günäleri ret etdi.
Tramp Kansasda geçjek syýasy ýygnanyşyga barýan wagtynda Kawanony “demokratlar tarapyndan edilen aýylganç, aýylganç hüjüme garşy durup bilendigi üçin” taryp etdi.