Новости за 01.10.2018

Näme sebäpden ýüzlerçe gyrgyzystanly Siriýa we Yraga söweşe gidýärler? Olaryň dostlary, goňşulary bu barada nähili pikirde? Munuň bilen nädip göreşmeli? “Biziň adymyzdan däl” – Merkezi Aziýa sebitini öz içine alýan regional TW proýektidir.

Şu gün halkara hukuk toparlary prezident Berdimuhamedowyň Nýu-Ýorka edýän saparyna gabatlap, Birleşen Milletler Guramasynyň Baş binasynyň öňünde Türkmenistanyň pagta meýdanlarynda mejbury zähmetiň bes edilmegine çagyryp protest çäresini geçirýär.

Şu günler Türkmenistanda çagyryş boýunça harby gullugyň kanunda belenenen möhletini tamamlan esgerleri harby gullukdan boşatmak, hem-de 18 ýaşyny dolduran erkek raýatlary harby gulluga çagyrmak işleri dowam edýär.

Makedoniýanyň premýer-ministri Zoran Zaew onlarça ýyl bäri goňşy ýurt Gresiýa bilen dowam edip gelýän dawanyň soňuna çykmak üçin gelnen ylalaşygyň çäginde ýurduň adyny üýtgetmek baradaky tagallalaryny dowam etdirjekdigi aýtdy.

Türkmenistanda bilim we oba hojalyk pudaklarynyň işgärleri döwlete köne demir ýygnap-tabşyrmaga mejbur edilýärler.  Azatlyk Radiosynyň Türkmenistandaky habarçylary bu ýagdaýyň şu günler Daşoguz welaýatynda köp duş gelýändigini gürrüň berýärler.  “Bilim pudagynyň we oba hojalygynyň işgärlerini her adama 200 kilogramdan demir ýygnap, döwlet demir zawody üçin tabşyrmaly etdiler. Bu çäre şu ýyl sentýabr-oktýabr aýlarynda agzalan pudaklara plan edilip, welaýat resmileri tarapyndan tabşyrlypdyr" diýip, habarçymyz 1-nji oktýabrda habar berdi. Читать дальше...

Ukrainanyň gündogarynda, separatisleriň gözegçilik edýän sebitindäki magdan käninde dörän partlamada üç oglan okuwçy öldi. Donetsik separatist lideri partlamanyň Horliwka şäherinde ýüze çykandygyny aýtdy. Bu sebitde Russiýanyň goldaýan separatistleri bilen Ukrainanyň hökümet güýçleriniň arasynda agyr çaknyşyklar gidýär. Horliwkanyň häkimi ölenleriň 13-15 ýaş aralygyndaky oglanlar bolandygyny aýtdy. Hadysada 10 ýaşly başga-da bir oglan ýaralanypdyr. Oňa häzir medisina kömegi berilýär.   Ukrananyň... Читать дальше...

Russiýanyň ençeme şäherinde hökümetiň pensiýa çykmak ýaşyny bäş ýyla çenli artdyrmak planlaryna garşy kiçi protestler geçirildi. Maglumata görä, Uralyň Orenburg şäherinde rugsat berlen demonstrasiýa 300 töweregi adam gelipdir. Mundan birnäçe gün öň, rus parlamentiniň aşaky öýi erkekleriň hormatly dynç alyşa çykmak ýaşyny 65-e, aýallaryňkyny hem 60-a çenli ýokarlandyrmak planlaryny kabul edipdi. Protestler Rostow-na-Donu, Omsk we Wotkinsk şäherlerinde hem geçirildi. Pensiýa ýaşyny artdyrmak planlary ilatda nägilelik döredip... Читать дальше...

Makedoniýalylar goňşulary Gresiýa bilen gelnen at çalyşmak ylalaşygyny kabul etmek meselesini çözmek üçin referendumda uly goldawyň bolandygyny, emma onuň netijelerini kabul etmek üçin ses berijileriň gerekli 50%-niň gelmändigini mälim etdiler. Duşenbe güni ir bilen sesleriň 98.6%-niň sanalmagy netijesinde, ses berijileriň 91.5%-niň ýurduň adyny Demirgazyk Makedoniýa respublikasy diýip üýtgetmek ylalaşygyny goldandygy habar berlipdi. Emma, bu planlara garşy çykýanlaryň, şol sanda prezident Gjorge... Читать дальше...

Eýran Siriýadaky jeňçilere garşy ençeme ballistik raketalaryny atdy diýip, ýurduň mediasy habar berýär. Tähran şol jeňçileri 22-nji sentýabrda Ahwaz şäherindäki parada edilen ýaragly hüjümi amala aşyrmakda aýyplaýar. Gürrüňi gidýän wakada azyndan 24 adam ölüp, 60-sy hem ýaralanypdy. Fars habar agentligi Eýranyň Siriýanyň gündogaryndaky Albu Kamal sebitine atan raketalarynyň netijesinde ençeme jeňçiniň ölendigini habar berdi.   Tähran Ahwaz şäherine edilen hüjümiň arkasynda eýranly arap separatistleriniň durandygyny aýdýar. Читать дальше...

Indoneziýa halkara jemgyýetçiligine ýüzlenip, ýurtda dörän tebigy harasatlardan soň halas ediş işlerini geçirmek we zerur serişdeler bilen üpjün etmek üçin ýardam sorady. Indoneziýaly resmiler 7.5 bal derejesindäki ýer yranmasy we soňundan bolan suw joşmasy, tsnunami netijesinde Sulawesi adasynda ölenleriň sanynyň 832-ä baryp ýetendigini habar berdiler. Prezident Joko Widodo harabaçylyklaryň arasynda galanlary halas etmek üçin gyssagly agyr tehniki serişdeleriň gerekdigini mälim etdi. Ol häzir ýurtda ýangyjyň... Читать дальше...

Eýranda maliýe jenaýat işlerini seljerýän sud üç adamy ölüm jezasyna höküm etdi. Sud wekiliniň maglumatyna görä, gürrüňi gidýän aýyplanýanlar “Ýer ýüzünde parahorlygy ýaýratmakda” günäli tapylypdyrlar. Mundanam başga, maliýe jenaýatlarynda aýyplanyp 32 adam 20 ýyla çenli türme tussaglygyna höküm edilipdir. Geçen aý Eýranda, “ýurduň ykdysadyýetini çökerýänlere we parahorlygy ýaýradýanlara garşy göreşmek” diýen kesgitleme bilen, Yslam rewolýusiýa sakçylarynyň ýörite kazyýetleri döredilipdi. Maý aýynda ABŞ Ýadro ylalaşygyndan çekilip... Читать дальше...