Новости за 08.10.2018

Näme sebäpden ýüzlerçe gyrgyzystanly Siriýa we Yraga söweşe gidýärler? Olaryň dostlary, goňşulary bu barada nähili pikirde? Munuň bilen nädip göreşmeli? “Biziň adymyzdan däl” – Merkezi Aziýa sebitini öz içine alýan regional TW proýektidir.

Birleşen Milletler Guramasynyň 8-nji oktýabrda çykaran raportynda aýdylmagyna görä, dünýä jemgyýetçiligi global temperaturany göz öňünde tutulan derejesinden aşakda saklajak bolsa, “ozal görlüp-eşidilmedik özgerişleri” amala aşyrmaly.

Türkmenistanda uçar biletleriniň gytçylygy emele geldi. Häzirki wagt Türkiýe, Belarus, Russiýa ýaly ýurtlara gitmek isleýän raýatlar para berip, biletleri satyn almaga synanyşýarlar.

TDH-nyň habar bermegine görä, Türkmenistanyň prezidenti Gurbanguly Berdimuhamedow 5-nji oktýabrda karara gol çekip, ýurtda bugdaýyň we pagtanyň döwlet satyn alyş nyrhyny ýokarlandyrdy.

Azatlyk Radiosynyň Daşoguzdaky habarçysynyň habar bermegine görä, anna güni başlanan duz tozanly ýel welaýatyň Türkmenbaşy, Ruhybelent we Akdepe etraplarynda has güýçli duýulýar.    "Daşoguzda apy-tupan başlady. Bu sapar hem duzly tozan we güýçli ýel turýar. Daşoguzda onuň bu sapar hem uzak dowam etjegine meňzeýär" diýip, Azatlygyň Daşoguzdaky habarçysy aýtdy.  Aral deňzi tarapyndan öwüsýän güýçli şemal soňky ýarym ýylyň dowamynda Daşoguza we Lebapa häli-şindi duzly jisimleri getirýär.  Azatlyk... Читать дальше...

Bolgariýada bir žurnalist öli tapyldy. Ýerli resmiler munuň adaty bir jenaýat bolandygyny ýa-da habarçynyň işi bilen baglydygyny seljerýärler. Wiktoriýa Marinowanyň jesedi ýekşenbe güni Ruse şäheriniň seýilgähleriniň birinde tapyldy. Ol jynsy taýdan hem zorlanypdyr. Ýerli prokuratura Wiktoriýa Marinowanyň mobil telefonunyň, ulagynyň açarynyň, äýneginiň dagy ýitirim bolandygyny aýtdy. Marinowa kellesine ýeten zeperler we bogulmasy sebäpli aradan çykypdyr.

Germaniýada meşhur Oktoberfest piwo festiwaly tamamlanyp, onuň dowamynda 6.3 million adam 7.5 million litr piwo içdi. Her ýyl Mýunihde geçirilýän festiwala bu ýyl geçen ýylka garanyňda 100 müň adam köp geldi. Dünýäniň iň uly piwo festiwaly 22-nji sentýabr-7-nji oktýabr aralygynda geçdi. Bu festiwal 1810-njy ýylda Bawariýanyň şazadasy bilen Saksoniýa-Hildburghauzeniň şagyzynyň toýunda esaslandyryldy. Bu ýylky çärä ABŞ-nyň ozalky prezidenti Bill Klinton, onuň aýaly Hillari dagy gatnaşdylar. Читать дальше...

Braziliýada prezedinetlik saýlawlarynyň birinji tapgyrynda sagçy syýasatçy Žair Bolsonaro sesleriň aglabasyny almagy başardy. Şol bir wagtda, deslapky netijelere görä, ol saýlawlaryň ikinji tapgyrynda Sao Paulonyň ozalky häkimi Fernando Haddad bilen bäsleşer. 63 ýaşly Bolsonaro ýekşenbe güni geçirilen saýlawlardaky sesleriň 96%-niň sanalmagy netijesinde, sesleriň 46.7%-ni alypdyr. Ozalky prezident Luiz Inasio Lula da Silwanyň Halk Partiýasyna wekilçilik edýän, 55 ýaşly Haddad sesleriň 28.4%-ni almagy başarypdyr. Читать дальше...

Hytaý hökümeti Interpolyň Hytaý şahamçasynyň ozalky başlygy Meng Hongweýiň parahorlyk we beýleki aýdyňlaşdyrylmadyk aýyplamalar boýunça derňelýändigini tassyklady. “Meng Hongweýiň para berendigi we alandygy, şeýle-de beýleki kanun bozmalar boýunça derňelmegi juda ýerlikli, dogry we parasatly” diýip, Jemgyýetçilik Howpsuzlyk Ministrligi aýtdy. Mengiň 25-nji sentýabrda Fransiýanyň Lion şäherinde geçen konferensiýadan dolanyp gelenden soň ýitrim bolandygyna üns çekilipdi. Geçen şenbe güni Korrupsiýa... Читать дальше...

Russiýanyň Inguşystan regionynda eýýäm dört gün bari protestçiler respublikanyň uzak wagtlyk lideriniň çekilmegini we goňşy Çeçenistan bilen baglaşylan ýer ylalaşygynyň ýatyrylmagyny talap edýärler. Demonstrantlar paýtagt Magasyň merkezinde çadyrlary hem dikdiler. Ýekşenbe güni Sowet soýuzy dargandan soň respublikanyň ilkinji lideri bolan Ruslan Auşew protestçiler bilen duşuşdy. Ol respublikanyň häzikri ýolbaşçysy Ýunus-Bek Ýewkurowy tankytap, onuň Çeçenistan bilen ylalaşyk baglaşan wagty inguş halky bilen maslahatlaşmandygyny belledi. Читать дальше...

Moldowanyň paýtagtynda köp gatly ýaşaýyş jaýynda dörän partlamada azyndan üç adam öldi. Ýerli mediada Kişinewda ýüze çykan bu hadysa bilen baglylykda suratlar we wideo ýazgylar görkezildi. Saglyk resmileri partlamada üç adamyň, şol sanda bir çaganyň heläk bolandygyny aýtdylar. Ýerli media ölenleriň sanynyň sekize ýetendigini aýtsa-da, hökümet wekilleri muny tassyklamadylar. Käbir çaklamalara görä, parltama öýleriň biriniň balkonynda saklanan gaz konteýnirinden syzyp çykan gaz sebäp bolupdyr. Читать дальше...

Owganystanyň merkezi Wardak welaýatynda hökümet güýçleriniň “Talyban” jeňçileri bilen çaknyşmagy netijesinde azyndan 10 polisiýa işgäri öldürildi. Owgan resmileriniň beren maglumatyna görä, jeňçiler magistral ýolunyň ugrundaky köprüleri hem weýran edipdirler. Ýerli häkimiň metbugat wekili hüjümçileriň Saýeed Abad etrabyndaky barlag-gözegçilik nokatlaryny we hökümet binalaryny hem oda berendiklerini aýtdy.  Onuň sözlerine görä, çaknyşyklarda beýleki 10 ofiser bilen bilelikde etrap polisiýasynyň başlygy hem öldürilipdir. Читать дальше...