Новости за 11.08.2022

Бар асоси пажӯҳиши нави "Cost of Living Survey", ки аз сӯи ширкати байналмилалии машваратии "Mercer", омода шудааст, Душанбе ҳам ба феҳрасти кишварҳое дохил шудааст, ки зиндагӣ барои хориҷиҳо дар онҳо арзон аст. Назарпурсӣ бо назардошти қурби асъор, нархи молҳои асосии истеъмолӣ, хидматрасонӣ, сатҳи таваррум ва пули иҷора миёни мутахассисоне анҷом шудааст, ки дар кишварҳои гуногун кору зиндагӣ мекунанд. Ду шаҳри Туркия, Анқара ва Истанбул, дар садри  даҳгонаи  кишварҳое қарор гирифтааст, ки барои кору зиндагии коргарони хориҷӣ арзон аст. Читать дальше...

Тоҷикистон мехоҳад аз Эрону Туркманистон ҳам маводи сӯхт ворид кунад, ИМА Эронро бо талоши куштори Ҷон Болтон муттаҳам кард, гузориш аз деҳае дар ноҳияи Ховалинг ва намоишгоҳи миниатюра дар Душанбе.

Дастаи мунтахаби миллии футболи Тоҷикистон бо роҳбарии мутахассиси хорватӣ Петр Сегрт дар доираи омодагӣ ба марҳилаи ниҳоии Ҷоми Осиё-2023 дар мусобиқаи байналмилалии «King’s Cup 2022» («Ҷоми шоҳ-2022») дар шаҳри Чиангмайи Тайланд иштирок хоҳад кард, хабар медиҳад сомонаи Федератсияи футболи Тоҷикистон. Ба иттилои манбаъ, ба ғайр аз мунтахаби Тоҷикистон дар мусобиқаи «King’s Cup 2022», ки аз 20-ум то 26-уми сентябри имсол доир мегардад, тимҳои миллии Тайланд, Малайзия, инчунин Тринидад ва Тобаго ширкат меварзанд. Читать дальше...

Додгоҳе дар Қирғизистон қарор содир кард, ки Исмоилхон Усмонов, донишҷӯ тоҷикистонӣ ба далели убури ғайриқонунии марз аз он кишвар ихроҷ шавад. Сомонаи "Сводка" (АКИpress) менависад, бо қарори додгоҳи ноҳияи Якуми майи шаҳри Бишкек рӯзи 5-уми август Исмоилхон Усмонов, донишҷӯи 24-сола аз Тоҷикистон дар убури ғайриқонунии сарҳади Қирғизистон гунаҳгор дониста шуд. Расонаҳо менависанд, Усмонов донишҷӯи риштаи дандонпизишкии факултаи тиббии Донишгоҳи славянии Қирғизистону Русия ба номи Б.Н.Елтсин аст. Читать дальше...

Дар ноҳияи Қубодиён як марди 80-соларо бо гумони "бадахлоқӣ ва дастдарозӣ ба занон" боздошт кардаанд. Биноба иттилои Вазорати корҳои дохилӣ, сокини як деҳа дар Қубодиён худро ба мардум муллои ҷинбарор муаррифӣ карда, ба кирдорҳои шармовар даст мезадааст. Мавқеи ин мард ва наздикони ӯ маълум нест, вале дар гузашта наздикони афроде, ки бо чунин айб боздошт шуда буданд, онро тӯҳмат номида буданд. Мақомоти тоҷик чанд сол боз аз тариқи телевизион аз боздошти афроде бо муаррифии "мулло" ё "ҷодугар", бо ҷурми бадахлоқӣ, намоиш медиҳанд. Читать дальше...

Ҳизби дар Тоҷикистон мамнуи Наҳзати исломӣ аз Созмони Миллали Мутаҳид хостааст, дар масъалаи созмони террористӣ шинохтани он  аз тарафи Русия дахолати бевосита кунад.  Рӯзи 11-уми август дар як муроҷиатномаи Муҳиддин Кабирӣ, раиси ҳизб, ба Антонио Гуттериш, дабири кулли СММ, хоҳиш кардааст, ки аз федератсияи Русия талаб кунад, то аз қабули чунин қарори мухолиф ба рӯҳияи созишномаи “Сулҳи тоҷикон” худдорӣ кунад.   Дар ин нома зикр шудааст, ки Созмони Миллал гурӯҳи кории махсусро барои баррасии... Читать дальше...

Майдони парчаме, ки Эмомалӣ Раҳмон, президенти Тоҷикистон, даҳ моҳ пеш дар ноҳияи Мӯъминобод боз карда буд, ба партовгоҳ табдил ёфтааст.

Мунтахаби ҷавонони Тоҷикистон дар бозии севумаш дар мусобиқоти қаҳрамонии CAFA (Созмони футболи Осиёи Марказӣ)-2022 миёни дастаҳои мунтахаби ҷавонони то 19-сола, ки дар Душанбе ҷараён дорад, аз тими Узбекистон бо ҳисоби 0:3 шикаст хӯрд. Дар ин бозии даври чаҳоруми мусобиқот, ки 10-уми август дар Варзишгоҳи марказии Душанбе баргузор шуд, ду голи мунтахаби Убекистонро Шаҳриёр Ҷабборов ва як голи дигарро Пӯлодхуҷа Холдорхонов ба самар расониданд. Бозии дигари даври чаҳорум миёни дастаҳои мунтахаби... Читать дальше...

Нуралӣ Эмомалӣ, варзишгари тоҷик, дар мусобиқоти қаҳрамонии ҷаҳон оид ба ҷудо миёни ҷавонон, ки дар шаҳри Гуаякили Эквадор ҷараён дорад, дар вазни то 66 кило мақоми аввалро касб кард ва бо медали тило сарфароз гашт.

Субҳи 10 август Санобархон Ҳайдароваи 47-сола дар беморхона фавтид, ки дар корхонаи коркарди нафти Фарғонаи Узбекистон кор мекард. Вай рӯзи 2 август худро оташ зада буд. Зан ба нишони эътироз аз сабукдушшавиаш худро оташ зада буд. Додситонии шаҳри Фарғонаи Узбекистон таҳқиқро шуруъ кардааст. Пештар аз ин дар корхонаи коркарди нафт гуфтанд, Санобархон Ҳайдароваро аз кор ҷавоб надода буданд, балки вай рухсатномаашро бо худ наоварда буд ва ба ин далел, ба коргоҳ роҳ наёфт. Ба иттилои корхона, зан ба далели низои хонаводагӣ худро оташ задааст. Читать дальше...