Новости за 05.08.2022

Дар адабиёти муосири тоҷик Абдулҳамид Самадро ҳамчун намояндаи барҷастаи насри деҳотӣ мешиносанд. Худи адиб мегӯяд, мавзуъҳояшро ба ину он ҷудо намекунад.

Солрӯзи нависанда Абдулҳамид Самад. Нависандаи маъруф ва яке аз меросбарони Садриддин Айнӣ, барандаи Ҷоизаи ба номи Абуабдулло Рӯдакӣ, Абдулҳамид Самад 75-солагии худро ҷашн мегирад. Дар адабиёти муосири тоҷик Абдулҳамид Самадро ҳамчун намояндаи барҷастаи насри деҳотӣ мешиносанд.

Дар рӯзи дуюми мусобиқоти қаҳрамонии ҷудои Осиё (Asian Senior Championships 2022), ки 5-уми август дар пойтахти Қазоқистон – Нурсултон – баргузор шуд, варзишгарони тоҷик ду медал – як нишони нуқра ва як биринҷӣ ба даст оварданд.

Интизор меравад, баъд аз даҳ рӯз, 16 август, ҳаракати қатораҳои мусофирбар аз шаҳрҳои Кӯлоб, Хуҷанд ва Душанбе ба шаҳри Волгогради Русия оғоз мешавад.

Моҳи равон равуои роҳи оҳан миёни Тоҷикистону Русия барқарор мешавад, наздикон зани фавтида бовар надоранд, ки марги ӯ дар Варзоб табиӣ буд, вазъи оилаҳои фирории афғон ва матолиби дигар.

Мақомоти тоҷик мегӯянд, дар як соли сари қудрат омадани Толибон дар Афғонистони ҳамсоя талошҳои қочоқи  маводи мухаддир бештар шуда, ҳаҷми маводи ғайриқонунии ошкору мусодирашуда тахминан се баробар зиёд шудааст. Ба навиштаи оҷонсии “Ховар”, Ҳабибулло Воҳидзода, раиси  Агентии назорати маводи нашъаовари Тоҷикистон бо такя ба таҳлилҳои ин ниҳод рӯзи 5-уми август дар нишасти матбуотӣ гуфт,  “аз моҳи августи соли 2021, яъне баъди ба сари қудрат омадани ҳаракати «Толибон» то моҳи июли соли равон дар... Читать дальше...

Кумитаи ҳолатҳои фавқулодаи Тоҷикистон аз эҳтимоли обхезӣ дар рӯзҳои 4 то 8-уми август дар пайи обшавии пиряхҳо дар минтақаҳои кӯҳии кишвар ҳушдор медиҳанд. Ин ниҳод аз сокинон хостааст дар ин рӯзҳо эҳтиёткор бошанд. Ҳарорати ҳаво дар пойтахт то 40 дараҷа, қисмати шимолии кишвар 37 то 39 ва дар ВМКБ 36 дараҷа гарм мешавад.  Гармои шадид тобистони имсол боиси омадани сели харобиовар дар чанд минтақа шуд. Пешбиниҳо ин аст, ки моҳи август дар Тоҷикистон ҳаво нисбатан салқинтар мешавад. Ба иттилои ҳавосанҷон... Читать дальше...

Кӯдаки тоҷике, ки баъд аз панҷ сол дар Русия ба волидонаш баргардонида шуд, соҳиби шаҳрвандии Тоҷикистон шуд. Як манбаи огоҳ аз қазия ва наздик ба мақомоти тоҷик дар вилояти Иркутски Русия ба Радиои Озодӣ гуфт, бо Марияи хурдсол ҳамчунин равоншиносон сӯҳбат доштанд. Вай гуфтааст, бо модараш ба Тоҷикистон меравад.  Ба гуфтаи манбаи Радиои Озодӣ, кӯдак ҳоло ҳамроҳ бо модари тоҷики худ аст ва бо ӯ унс гирифтааст. Марияи панҷсоларо ҳанӯз баъд аз таваллуд бидуни иҷозаи модари биологияш мақомот дар Иркутск... Читать дальше...

Дар Тоҷикистон фаъолияти ҳафт муассисаи таълимӣ ва томактабӣ манъ карда шудааст. Оҷонсии назорат дар соҳаи маориф ва илми Тоҷикистон  гуфтааст, ки кори ин муассисаҳо ба талаботи маориф ҷавобгӯ набудаанд. Дар ин бора хабаргузории "Авеста" хабар дод. Ба ин тартиб, мактаби хусусии Мирзо Ҳасанзода дар ноҳияи Масчоҳ, муассисаи таълимии “Ояндаи Дурахшон” дар Бӯстон, марказҳои томактабии “Британский дом” ва “Ҳисор”- маркази омӯзишии “Чароғи дониш” аз фаъолият бозмонданд. Оҷонсии назорат дар соҳаи маориф... Читать дальше...

Ҷунбиши Толибон мегӯяд, "иддаоҳо" дар бораи куштори раҳбари созмони Ал-Қоида Айман Завоҳириро таҳқиқ мекунад. Ҳафтаи равон Иёлоти Муттаҳида хабар дод, ки Завоҳирӣ дар пойтахти Афғонистон тавассути ҳавопаймои амрикоии бидуни сарнишин ба қатл расид. Тибқи иттилои манбаъҳои амрикоӣ, Завоҳирӣ 31-уми июл дар манзиле кушта шуд, ки ба раҳбари Толибон таааллуқ дорад. Суҳайл Шоҳин, ки аз тарафи ҳукумати Толибон ба мақоми намоянда дар СММ пешбарӣ шудааст, дар шаҳри Давҳаи Қатар бори аввал мустақиман ҳамлаи... Читать дальше...

Нирӯҳои Тоҷикистону Узбекистон дар размоишгоҳи Термиз ба машқҳои муштараки низомӣ шурӯъ карданд. Дар ин бора Вазорати мудофиаи Узбекистон бо нашри чанд акс аз ҷараёни тамринҳо хабар дод.  Машқҳои муштарак таҳти номи “Иттиҳод-2022” рӯзи 3-юми  август оғоз шудаанд. Генерал-майор Шароф Эгамзод, муовини раҳбари Ситоди генералии қувваҳои мусаллаҳи Тоҷикистон ва Зайнобиддин Иминов, фармондеҳи нерӯҳои махсуси низомии Узбекистон, ки тамринҳоро раҳбарӣ мекунанд, изҳори умедворӣ карданд, ки ташкили машқҳои... Читать дальше...

Вазири корҳои хориҷии Русия Сергей Лавров рӯзи 5-уми август гуфт, ки Маскав омода аст мавзӯи табодули зиндониҳоро бо Вашингтон аз роҳи шабакаҳои амалкунандаи дипломатӣ баррасӣ кунад. Лавров як рӯз баъди он сӯҳбат кард, ки додгоҳе дар Русия  ситораи баскетболи амрикоӣ Бритни Грайнерро дар қочоқи маводи мухаддир айбдор ва ба нӯҳ соли зиндон маҳкум кард. Ин ҳукм мавриди маҳкумияти аъзои тими Грайнеру варзишгарони дигар дар ҷаҳон шуд ва президенти Амрико Ҷо Байден ҳам онро “ғайри қобили қабул” хонд. Читать дальше...

Ба муфаттишон дар Тоҷикистон иҷозат дода шуд, ки шоҳидон ё ҷабрдидагонеро, ки дар хориҷи кишвар зиндагӣ мекунанд, тавассути интернет, яъне онлайн бозпурсӣ кунанд. Тоҷикистон ба Кодекси мурофиавии ҷиноятӣ ба ин мазмун тағйиру иловаҳо ворид кард, ки бо нашр расидан дар рӯзномаи расмӣ ба иҷро медарояд. Раисҷумҳур Эмомалӣ Раҳмон рӯзи 19-уми июл тағйиру иловаҳоро ба қонун имзо кардааст, ки нусхаи он рӯзи 5-уми август дастраси Радиои Озодӣ шуд. Дар қисми дуввуми моддаи 197 ин қонун тағйир ворид шуд, ки дар он гуфта мешавад... Читать дальше...

Дар мусобиқоти қаҳрамонии CAFA (Созмони футболи Осиёи Марказӣ)-2022 миёни дастаҳои мунтахаби ҷавонони то 19-сола, ки шоми имрӯз дар Душанбе оғоз меёбад, панҷ тими мунтахаб аз Афғонистон, Қирғизистон, Тоҷикистон, Узбекистон ва Эрон ширкат меварзанд. Ба иттилои Федератсияи футболи Тоҷикистон, мусобиқоти қаҳрамонии CAFA-2022 миёни дастаҳои мунтахаби ҷавонони то 19-сола дар Душанбе аз 5-ум то 12-уми август доир мегардад. Тибқи дастури мусобиқот ҳар як даста бо рақибони худ дар як давра бозӣ мекунад. Читать дальше...

Вазорати нақлиёти Тоҷикистон эълон кард, ки баъд аз даҳ рӯз ҳаракати қаторҳои мусофирбар аз шаҳрҳои Кӯлоб, Хуҷанд ва Душанбе ба шаҳри Волгогради Русия оғоз мешавад. Ин матлабро Азим Иброҳим, вазири нақлиёти Тоҷикистон рӯзи 5-уми август зимни нишасти хабарӣ баён кард. Ба гуфтаи вай, нархи чиптаҳо феълан дақиқ нест ва сари ин масъала корҳо идома дошта, дар зудтарин фурсат маълум мегардад. Қаблан намояндагони идораи роҳи оҳани кишвар гуфта буданд, ки ҳаракати қаторҳоро ба самти Русия 30 август оғоз мешавад. Читать дальше...

"Бозгашти иҷборӣ" ва ё "рабудани мухолифон" ба қавли мунтақидони ҳукумати Тоҷикистон, ба як амали роиҷи мақомоти ин кишвар табдил ёфтааст, ки ҳеч пайомади хосеро барои режими Тоҷикистон дар пай надорад.

Маркази миллии пешгирӣ аз шиканҷа дар Қирғизистон баъди марги як сарбоз ҳангоми адои хидмат дар муассисаи ислоҳии рақами 27 омӯзиши вазъи маънавию равонии низомиёнро шурӯъ кардааст. "Ба гуфтаи онҳо, ҳеҷ гуна фишори равонӣ, шиканҷа ва бадрафторӣ нисбати низомиён сурат намегирад ва аз шароити хидмат ҳам шикоят намекунанд. Онҳо ҳамчунин хабар доданд, ки сарбози фавтида шахси хушҳол буд ва бо касе муноқиша намекард. Марказ парвандаро зери назорат гирифтааст ва барои омӯзиши муфассали вазъи ахлоқию равонӣ дар муассиса кор мекунад"... Читать дальше...

Корхонаи коркарди нафти вилояти Фарғонаи Узбекистон худсӯзии корманди худ Санобархон Ҳайдароваро шарҳ дод. Дар баёнияи корхона омадааст, ки зан аз кор ронда нашудааст ва он рӯз ӯро танҳо барои бо худ наовардани гузарнома ба маҳалли кор роҳ надоданд. Ҳамчунин гуфта шудааст, ки корхона ба ӯ ва хонаводааш кумак мерасонад ва дар ин ҳодиса бо мақомоти ҳифзи ҳуқуқ ва ҳукумати вилояти Фарғона ҳамкорӣ мекунад. Ҳайдарова 2 август дар назди даромагоҳи корхона ба сару рӯяш бензин рехта, худро оташ зад. Читать дальше...

Хабарнигори сомонаи "Назорати роҳ" Антон Князев 3 август дар шаҳри Уст-Каменогорск аз сӯи афроди ношинос латукӯб шудааст. Бино ба иттилои “Назорати роҳ”, ҳодиса шаби 3 август дар яке аз фурӯшгоҳҳои шаҳр рух додааст. Гуфта мешавад, ҳамлагарон на танҳо рӯзноманигорро латукӯб кардаанд, балки ба мошине, ки ӯ бо он омада буд, осеб расондаанд. Сомона аз қавли рӯзноманигор навиштааст, ки ӯ ним соат омадани пулисро мунтазир мондааст. Ба гуфтаи Князев, гурӯҳи афроди ношинос ҳатто пас аз омадани пулис ба амалҳои ғайриқонунӣ алайҳи ӯ идома медоданд. Читать дальше...