د طالبانو او ایران سرحدي ځواکونو ترمینځ نښته شوې ده
د افغانستان د نیمروز ولایت په سرحدي سیمه کې د طالبانو د حکومت او ایرانیو ځواکونو ترمینځ نښته شوې ده. د مشال راډیو ایرانۍ څانګې د هغه هېواد چارواکو په حواله ویلي دي چې نښته د مې پر ۲۷مه شوې چې پکې یو ایرانی او یو طالب سرتېری وژل شوي دي. د نیمروز ځايي اوسېونکي وايي، په ډزو کې څلور ښځې او ۳ ماشومان ژوبل شوي دي. د طالبانو حکومت وايي، جګړه درېدلې او د مسلې د هواري هڅه کوي. دواړه خواوې پر یو بل د ډزو پیلولو تور پورې کوي خو لامل یې نه ښيي. د نیمروز اوسېدونکو مشال راډیو ته دا ویډیو استولې ده.