په بلغاریا کې روس پلوه اعتراض کوونکو له اوکراین سره د مرستې درول غوښتي
اعتراض کوونکو پر دغې عصري ودانۍ چې له ښیښو او فولادو جوړه ده او د اروپايي کمېسیون او اروپايي پارلمان استازي په کې دېره دي، سره رنګونه وویشتل.
ویل شوي، د دې سره رنګ هدف په سمبولیک ډول د جګړې او وینې تویېدنې څرګندول وو.
په بلغاریا کې پرونۍ مظاهره د هغو ګڼو غیردولتي سازمانونو او اشخاصو له خوا تنظیم شوې وه، چې کرملین پلوه ګڼل کېږي.
په اعتراض کوونکو کې، چې شمېر یې شاوخوا زرو ته رسېده، د اروپايي ټولنې د یوه مخالف ګوند او د پارلمان استازي هم شامل وو.
بلغاریا له روسیې سره ژورې تاریخي اړیکې لري.