د فرانسې پارلمان د تروریستي ډلې په توګه د واګنر د نومولو غوښتنه کړې
دغه پرېکړه لیک چې اجرایي نه، بلکه سمبولیکه بڼه لري، په پارلمان کې په یوه خوله تصویب شو.
د دغه پرېکړه لیک طراح د واکمن ګوند غړي بینجامین هډډیډ وویل، دی هیله من دی چې دغه اقدام د اروپایي ټولنې ۲۷ غړي وهڅوي چې واګنر رسماً د ترویستي سازمانونو په لېست کې شامله کړي.
هغه پارلمان ته وویل، د واګنر غړي چې هر چېرې کار کوي، بې ثباتي او تاوتریخوالی خپروي.
د راپورونو له مخې روسیې د اوکراین په جګړه کې د واګنر ډلې له وسله والو کار اخیستی دی.
د اوکراین ولسمشر ولودمیر زیلنسکي د فرانسې له پارلمان څخه مننه کړې او له نورو هېوادونو یې غوښتي چې همدا لاره خپله کړي.