يو افغان - امريکايي شرکت غواړي د حاجي ګک په کان کې پانګونه وکړي
د یاد وزارت ویاند وايي، چې د منځنۍ اسیا نړۍوال شرکت چې په افغانستان او متحده ایالاتو کې کار کوي، لېوالتیا ښودلې چې د بامیانو د حاجي ګک په کان کې لسکونه میلیونه ډالره پانګونه وکړي.
په دې لیدنه کې د کانونو او پټرولېم سرپرست وزیر ملا شهاب الدین دلاور ویلي، هغو ملي او نړۍوالو شرکتونو ته به هر ډول امکانات برابر کړي چې د افغانستان په کانونو کې پانګونه کوي.