د اوکراین چارواکو: د خیرسون ښار روسي ځواکونو ونیو
د فرانسپرېس اژانس د راپور له مخې د سیمه ییزې ادارې مشر ګینادي لاخوتا پرون ناوخته پر ټیلګرام په یوه پیغام کې لیکلي چې روسي یرغلګر د ښار ټولو برخو کې حضور لري او ډېر خطرناک دي.
روسي پوځ هم پرون د دې ښار د نیولو خبر ورکړی و. دغه ښار چې د کریمیا ټاپو وزمې ته نژدې پروت دی، ۲۹۰ زره نفوس لري.
د اوکراین کریمیا ټاپو وزمه هم روسیې په ۲۰۱۴ کال له خپلې خاورې سره یوځای کړې وه.