Новости за 30.04.2022

طالبانو سبا يکشنبه په ټول افغانستان د اختر ورځ اعلان کړه. د طالبانو د حکومت ویاند ذبیح الله مجاهد په خپل ټوېټر لیکلي چې د اسلامي امارت د سترې محکمې د رئیس او د میاشتې د کمیټې مشر مولوي عبدالحکیم لخوا اعلان وشو چې سبا يکشنبه په ټول هېواد کې د کوچني اختر لومړۍ ورځ ده. هغه وویل، ‏په همدې مناسبت ټولو هېوادوالو ته د کوچني اختر مبارکي وايي. خو د حرمین الشریفین د رسمي بيان پر اساس د سعودي عربستان د هلال کمېټې نن شنبه د شوال مياشت ونه شوه ليدلاى. د سرچينې په وينا، سبا يکشنبه د روژې ٣٠مه او دوشنبه د کوچني اختر لومړۍ ورځ ده.

د حرمین الشریفین د رسمي بيان پر اساس د سعودي عربستان هلال کمېټې نن شنبه د شوال مياشت ونه شوه ليدلاى. د سرچينې په وينا، سبا يکشنبه د روژې ٣٠مه او دوشنبه د کوچني اختر لومړۍ ورځ ده. د طالبانو حکومت سترې محکمې تر دا مهاله په دې اړه خپل پرېکړه نه ده اعلان کړې.

څو شېبې مخکې د کابل ښار د دريمې حوزې اړوند په ده بوري سيمه کې پر کاسټر موټر چاودنه شوې. د طالبانو حکومت د کابل امنیې قومندانۍ وياند خالد ځدراڼ ازادۍ راډیو ته وویل، د ښاري سپرلۍ پر کاسټر موټر د چسپکي ماين په چاودنه کې يوه ښځه وژل شوې او درې نور ټپيان دي. پرون هم د کابل په دارالامان کې د یوه جومات دننه چاودنه کې لږ تر لږه د ۵۰ تنو د وژل کېدو او ۳۰ نورو د ټپي کېدو راپور ورکړل شوی. تر اوسه کومې ډلې د دې پېښې مسووليت نه دى منلى.

یوې باخبره سرچینې ازادۍ راډيو ته ومنله چې د ملي مصالحې عالي شورا مخکينى مشر عبدالله عبدالله نن مازدیګر له افغانستان ووت‌. سرچینې دا و نه ویل ،چې ښاغلی عبدالله چېرته ته لاړ خو د هغه کورنۍ‌ په هند کې مېشته ده‌. واک ته د طالبانو له رسېدو وروسته، دا لومړی ځل دی چې ښاغلی عبدالله له افغانستان وځي‌. وړاندې داسې راپورونه هم خپاره شوي و، چې پر هغه د طالبانو له‌خوا له هېواده د باندې د سفر کولو بندیز لګول شوی دی‌. عبدالله عبدالله پر خپل فېسبوک پاڼه هم ليکلي، چې د شخصي سفر په موخه د څو ورځو لپاره له... Читать дальше...

د کابل د دارالامان سیمې د علاالدین په درې لاره کې د خلیفه صاحب په جومات کې برید د رسمي ارقامو له مخې لس کسان وژلي خو د جومات خطیب سید فاضل آغا ویلي چې په پېښه کې ۵۰ کسان وژل شوي. اروپايي ټولنې د دې حملې په غبرګون کې ویلي دي چې په افغانستان کې د تاوتریخوالي زیاتېدل د ټولو افغانانو او نړیوالې ټولنې لپاره د جدي اندېښنې وړ دی. دې ټولنې په یوه بیان کې ویلي دي چې ترهګري په هېڅ دین او مذهب کې ځان نلري. اروپايي ټولنې د طالبانو پر حکومت غږ کړی چې د هېواد د وګړو امنیت خوندي کړي او د وروستیو حملو له عاملانو سره حساب کتاب وکړي. Читать дальше...

په کابل ښار کې پر یوې خانقاه تر چاودنې وروسته یو شمېر تصوف او عرفان پوهان د خانقاوو په نښه کول مذهبي نفاق ته لمن وهل بولي. د خانقاوو هدف ګرځول په افغانستان کې د ترهګرو نوي پلان. په تېرو دوو اونیو کې دوه خانقاوې یوه د کندوز ولایت په امام صاحب ولسوالۍ او بله پرون جمعه په کابل مې د ترهګریزو حملو هدف وګرځول شوې. په تازه پېښه کې د کابل ښار شپږمه امنیتي حوزې اړوند سه راهي علاوالدین سیمه کې د خلیفه صاحب په نوم خانقاه کې چاودنه وشوه. عرفان پوه هیله مند عزنوي پر خانقاوو د چاودنو د هدف د څرنګوالي په اړه ازادي راډیو ته وویل... Читать дальше...

د اپریل پر ۲۶مه په کراچۍ کې پر چینایي وګړو کوم ځانمرګی برید ترسره شوی و، پکې یو پښتون هم خپل ژوند بایللی و. خالد نواز د چینایانو سره موټر چلولو. د هغه ورور ربنواز مشال راډیو ته وویل، هغوی د هنګو اوسیدونکي دي خو په کراچۍ کې ژوند کوي. هغه مشال راډیو ته دا هم وویل چې د ورور واړه واړه بچیان یې یتیمان پاتې دي. نوموړی وايي پر کورنۍ یې لوی قیامت تیر شوی دی.

پاکستان له بانکي فورمې پرته له افغانستانه د وارداتي توکو د منلو موده دوه میاشتې نوره هم وغځوله. شنبه د اپرېل دېرشمه چې له بانکي جواز یا فورمې پرته د افغان سوداګریزو توکو د معافیت د ختمېدو ورځ وه پاکستاني چارواکو د دوو نورو میاشتو لپاره ددغه معافیت د غځولو خبر ورکړ. پاکستاني چارواکو دا معافیت هغه وخت پیل او رعایت کړ چې طالبان واک ته ورسېدل او هدف یې دا وښوده چې نه غواړي د یوه منظم بانکي سیسټم د نشتوالي په خاطر پاک – افغان سوداګري زیانمنه شي. اوس د پاکستان د سوداګرۍ وزارت د جون تر دېرشمې له اجازه... Читать дальше...

د اوکراین ولسمشر وايي، د اوکراین پر عامه تاسیساتو او د استوګنې پر سیمو د روسیې بېرحمانه بمبارۍ ښيي چې روسیه غواړي دنباس سیمه له خلکو تشه کړي. ولودیمیر زیلینسکي تېره شپه ناوخته ملت ته په یوه وینا کې وویل، چې په همدې دلیل د خپل ټاټوبي او د خپلو خلکو دفاع عملا د ژوند لپاره مبارزه ده.

د کابل ښار یو شمېر اوسېدونکو ازادي راډیو ته وویل چې په کابل او ولایتونو کې وروستیو بریدونو دوی د امنیت په اړه اندېښمن کړي چې له دې امله اختر هم ورته د خوشحالۍ څه نه لري. علي اکبر چې د کابل ښار اوسېدونکی دی او تازه د خپل يوه ملګري د فاتحې له مراسمو راغلی دی وايي، یاد ملګری یې د جمعې په ورځ د کایل په علاو الدین سه راهي کې د خلیفه صاحب پر خانقاه حمله کې ووژل شو. علي ازادي راډیو ته وویل د شته ګواښونو په صورت کې به اختر ونه لري خو غواړي چې په جومات کې د اختر لمونځ په ادا کولو ترهګرو ډلو ته د هغوی... Читать дальше...

ملګري ملتونه وايي، په تېر کال کې زرګونه خلک اروپا ته د تلو هڅې کولو پرمهال په سمندر کې ډوب شوي دي. دوی وايي دا لړۍ په خطرناکه توګه مخ پر زیاتېدو ده. رویټرز خبري اژانس په دې اړه رپورټ خپور کړی دی .

له نن څلور کلونه مخکې په کابل کې په دوو پرلپسې چاودنو کې د ۹ خبریالانو او د رسنیو د کارکونکو په شمول ۲۶ تنه ووژل شول. په دې پېښه کې ازادي راډیو هم خپل درې ځوان کارکونکې له لاسه ورکړل. هغه مهال ددې برید مسولیت داعش ډلې پرغاړه اخیستی و.

حمزه شهباز د اپریل په ۱۶مه وزیراعلا منتخب شوی وو خو د صوبې ګورنر عمرسرفراز چیمه ترې د خلف اخیستو څخه انکار کړی وو او د هغه انتخاب یې "غیرقانوني" بللی وو.

د طالبانو د حکومت د برېښنا شرکت وایي د پروان ولایت کې د برېښنا د نړول شویو ستنو جوړېدل دوه اونۍ وخت اخلي. پلازمېنې کابل او ورته د نږدې ولایتونو برېښنا پرې کېدل خلک له ګڼو ستونزو سره مخ کړي دي. د دغه ښار او د نږدې ولایتو یو شمېر اوسېدونکي وایي د وارداتي برېښنا پرې کېدل دوامداره دي او د طالبانو له حکومته غواړي چې د دې ستونزې د دایمي حال لپاره پر یو پلان کار وکړي. د کابل ښار دوه تنو اوسېدونکو عزیز او عرفان الله ازادي راډیو ته وویل: "یو خو د ګرمۍ موسم دی، بل په روغتونونو کې خلک له ستونزو سره مخ... Читать дальше...

د اپریل پر ۲۹مه، د کنفیوشیس انستيټیوټ زده کوونکو په کراچۍ کې د مظاهرې پر مهال له حکومته غوښتنه وکړه چې د چینايي استادانو په وژنه اوبرید کې د ککړو کسانو پر ضد دې ګامونه پورته کړي، خپلو تګلارو  ته دې له سره کتنه وکړي او د دې پوښتنې ځواب دې ووايي چې ولې په بار بار دا ډول بریدونه ترسره کېږي؟

د اسراییل پوځ وايي یو اسراییلی ساتونکی بېګاه ناوخته د دوو فلسطیني بریدګرو په ډزو وژل شوی دی. د الاقصی جومات پر سر د فلسطینیانو او اسرایلي پوځیانو تر منځ د شخړو دوام او ورسره تاوتریخجنې پېښې. بېګا ناوخته د اسراییلو تر ولکې لاندې اېریئل ښارګوټي کې دوو بریدګرو یو اسراییلی ساتونکی په ډزو وژلی دی. د اسراییل پوځ په یوه بیان کې ویلي چې پر دغه اسراییلي ساتونکي د ایریل ښارګوټي ته د ننوتو پر مهال برید شوی خو دوی به بریدګر تعقیبوي. نن سهار وختي د پېښې سیمې ته ژغورونکي او پولیس ورغلي وو او سیمه یې بېرته پاکه کړې ده. Читать дальше...

د ملگرو ملتونو امنیت شورا په کابل کې، د اپریل پر ۲۹مه،  پر یوې خانقاه ترسره شوې حملې ته په اشارې یو ځل بیا ټینګار کړی چې د ترهګرۍ هر ډول عمل د توجیه وړ نه‌دی. ياده شورا په افغانستان کې د روان امنیتي وضعیت او چاودنو وروسته، نړیوالې سولې او امنیت ته اندېښمنه ده. د اپریل پر ۲۹مه هم د کابل په دارالامان کې د یوه جومات دننه چاودنه کې لږ تر لږه د ۵۰ تنو د وژل کېدو او ۳۰ نورو د ټپي کېدو راپور ورکړل شوی. خو طالب چارواکي بیا دا شمېر کم ښيي او وايي، په دې چاودنه کې ۱۰ تنه وژل شوي او ۳۰ ټپيان دي. له دې... Читать дальше...

ازبیکستان وايي، هغه پوځي هلیکوپټر او الوتکې چې د جمهوري نظام د نسکورېدو پر مهال د دوی هېواد ته لېږدول شوي، د امریکا ملکیت دی او طالبانو ته به یې و نه سپاري. سره له دې چې طالبانو په ځلونو له ازبیکستان غوښتي، څو دې هېواد ته د مخکني افغان هوايي ځواک لېږدول شوي هلیکوپټر او الوتکې دوی ته ورکړي، خو د دې هېواد یو لوړ پوړی چارواکي وايي، د افغانستان د مخکني حکومت الوتکې طالبانو ته نه سپاري. د ازبیکستان د جمهور رییس شوکت میرضیایف یوه لوړ پوړي سلاکار عصمت الله ارګاشیف امریکا غږ سره یوه مرکه کې ویلي، دا... Читать дальше...

د ملگرو ملتونو امنیت شورا په کابل کې پر یوې خانقاه پرونۍ حملې ته په اشارې یو ځل بیا ټینګار کړی چې د ترهګرۍ هر ډول عمل د توجیه وړ نه‌دی. ياده شورا په افغانستان کې د روان امنیتي وضعیت او چاودنو وروسته، نړیوالې سولې او امنیت ته اندېښمنه ده. پرون هم د کابل په دارالامان کې د یوه جومات دننه چاودنه کې لږ تر لږه د ۵۰ تنو د وژل کېدو او ۳۰ نورو د ټپي کېدو راپور ورکړل شوی. خو طالب چارواکي بیا دا شمېر کم ښيي او وايي، پرونۍ چاودنه کې ۱۰ تنه وژل شوي او ۳۰ ټپيان دي. له دې چاودنې وروسته د ملګرو ملتونو امنیت... Читать дальше...

په فرانسه کې د نړۍ تر ټولو زړې ښځې عمر ۱۱۸ کاله دی. د لوسايل رېنډن د سترګو دید تللی، په غوږونو درنه ده او له ځايه نه شې پاڅېدلی مګر زړه یې ځوان دی او مېلمنو سره اوږدې خبرې خوند ورکوي. نوموړې وايي، د ډېر عمر لامل یې ښايي له خلکو سره د مینې او احترام رويه وي. رېنډن غواړي د يو بل رېکارډ‌ جوړولو لپاره لږترلږه څلور يا پينځه کاله نور ژوند وکړي. د اژانس فرانس پرېس له ویډیو جوړ رپورټ.

د کرنې اوبو لګولو او مالدارۍ وزارت تېره ورځ يې په کنړ او ننګرهار ولايتونو کې شاوخوا ۱۷ زره مالدارانو ته د څارويو خوراکي مواد ويشلي. دغه وزارت په خپل ټويټر پاڼه ليکلي چې ياده مواد د خوړو نړيوال سازمان په مالي مرسته ويشل شوي. ددې وزارت د معلوماتو له مخې، هر مالدار ته څلور څلور بورۍ مواد ورکړل شوي دي. هېره دې نه وي چې ياد وزارت په دغو ولايتونو کې له وړاندې سروې شوي مالدارانو ته دغه مواد ويشلي.

د طالبانو لخوا د ارک په نوم جوړه شوې ټويټر پاڼې تېره ورځ ناوخته ليکلي چې ياد تړون د طالبانو د ښار جوړونې وزارت او د بيجينګ- ننګرهار ساختماني او توليدي شرکت تر منځ لاسليک شوی. د ارک له لوري په خپرو شويو معلوماتو کې ويل شوي چې په دې صنعتي پارک کې چې ۲۱۶ ميليون ډالره لګښت راځي، ۱۵۰ کارخونې په کې جوړېږي. خبر ځای کاږي چې د دې پروژې له پيل سره به ۱۳۶۰۰ کسانو ته به دايمي او ۳۰ زره نورو کسانو ته په غير مستقيمه توګه د کار زمينه هم برابره شي. فیروزې ښارګوټی د کابل ده سبز ولسوالۍ ته څېرمه موقعیت لري،... Читать дальше...

د افغانستان برېښنا شرکت په یوه بیان کې نن وویل چې په جنوبي سالنګ کې د وارداتي برېښنا دوې پایې په بمونو الوځول شوې دي. برېښنا شرکت ژمنه کوي چې دا تخنیکي ستونزه به ژر تر ژره حل کړي. په تېرو څو کلونو کې  څو څو ځل په سالنګ او يو شمېر نورو سيمو کې د برېښنا پايي الوځول شوي دي.

د اسراییل پوځ وایي، فلسطیني برید کوونکو په لویدیځه غاړه کې یو اسراییلی ساتونکی وژلی دی. اسوشید پریس اژانس د اسراییلي سرچینو په وینا خبر ورکړ چې دا برید پرون ناوخته وشو او برید کوونکي تښتېدلي دي. بل لور ته د فلسطین روغتیا وزارت ویلي دي چې اسراییلي ځواکونو نن سهار د قلقیلیه ښارګوټي ته نژدې یو اووه ویشت کلن فلسطینی وژلی دی.

د اوکراین ولسمشر ولودیمیر زیلینسکي د نړۍ د ۲۰ پرمختللو هېوادونو د ډلې یا جي شل په سرمشریزه کې د ګډون لپاره اندونیزیا ته بلل شوی دی. په پام کې ده چې دا غونډه د روان کال په نوامبر میاشت کې جوړه شي. د اندونیزیا ولسمشر جوکو ویدودو پرون وویل چې خپل اوکرایني سیال ته یې په هغه غونډه کې د ګډون بلنه ورکړې ده چې د روسیې ولسمشر ولادیمیرپوتین هم ګډون پکې کوي. پوتین په دې غونډه کې ګډون تایید کړی خو د اوکراین د ولسمشر دفتر تراوسه په دې اړه څه نه دي ویلي. د جي شل اکثر غړو پر اوکراین د روسیې یرغل غندلی دی... Читать дальше...