په لوګر کې د نشه يي موادو ۲ کارخانې او ۳ زېرمې ویجاړې شوي
په هغه خبرپاڼه کې چې د کورنیو چارو وزارت له نشه يي موادو سره د مبارزې معینیت له خوا خپره شوې، راغلي چې له نشه يي موادو سره د مبارزې ځانګړو پولیسو د لوګر ولایت د خوشي ولسوالۍ په دوبندي کلي کې د نشه يي موادو دوه کارخانې او درې زېرمې ویجاړې کړي دي.
خبرپاڼه زیاتوي چې له دې کارخانو او زېرمو څخه څلور نیم زره کیلو ګرامه چرس او کېمیاوي مواد ترلاسه شوي دي.