د مقدونیا د نوم پر سر د دغه هېواد د پارلمان بحث تر نن جمعې ځنډېدلی
د دغه هېواد صدراعظم زوران زایف پرون ظاهراً بریالی نه شو چې د نوم د بدلون لپاره د پارلمان اکثریت ترلاسه کړي.
د مقدونیا پارلمان له ګاونډي یونان سره د څو لسیزو لانجې د پای ته رسولو او په ناټو او اروپايي اتحادیې کې د غړیتوب د ترلاسه کولو په هدف پرون پنجشنبه پر شمالي مقدونیا د خپل هېواد د نوم د بدلېدو لپاره بحث پیل کړ.
د مقدونیا له اساسي قانون سره سم، پر شمالي مقدونیا د دې هېواد د نوم د بدلېدو لپاره د پارلمان په درېیو کې د دوو برخو ملاتړ پکار دی.