د شمالي قفقاز یوه اوسېدونکي په مسکو کې یو پولیس ټپي کړی
بریدګر خپله هم په متقابلو ډزو کې ټپي شوی دی.
د روسیې د څېړنو اداره وايي، بریدګر د بهرنیو چارو وزارت د ودانۍ مخې ته پر دوو پولیسو ډزې وکړې.
د انټرفاکس خبري اژانس د چارواکو له قوله د بریدګر نوم رنات کناشیف یاد کړی او ویلي یې دي چې ۳۰ کلن دی او د روسیې د شمالي قفقاز د کابردینا بالکاریای ولایت اوسېدونکی دی.
روسي خبري اژانسونو وروسته د پولیسو له قوله خبر ورکړ چې بریدګر په سر د ټپ له کبله ساه ورکړې.
چارواکي وايي، تر اوسه یې داسې کوم دلیل نه دی موندلی چې وښيي دې کس به د شمالي قفقاز له کومې سخت دریځې ډلې سره اړیکې لرلې.