چک جمهوریت وايي، په افغانستان کې سل نور سرتیري اضافه کوي
دا په داسې حال کې ده چې تېره یکشنبه په بګرام کې د درېیو وژل شوېو چکي سرتېرو مړي د چهارشنبې په ورځ د دې هېواد مرکز پراګ ته انتقال شول.
د چک د دفاع د وزارت یوه جنرال له ازادي راډیو سره په یوې مرکه کې وویل چې د دوی ځواکونو ته په افغانستان کې اوښتې مرګ ژوبله به د افغانستان په اړه د چک جمهوریت پر ژمنو اغېز ونه کړي.
جنرال شتیفان مورانسکي وویل:
"چک جمهوریت د ناټو له غوڅ ملاتړ ماموریت سره کلک تعهد او هوډ لري. موږ په نږدې راتلونکې کې په افغانستان کې خپل سرتیري زیاتوو. سل سرتېري به اضافه شي."
چک جمهوریت په افغانستان کې ۲۳۰ پوځي پرسونل لري او له ۲۰۰۲ میلادي کال راهیسې د دې هېواد ۱۳ عسکر په افغانستان کې وژل شوي دي.