پوتین له انګلا میرکل سره پر یولړ مسائلو خبرې کړي
کرېملېن په یوه خپاره کړي بیان کې وویل چې پوتین تېره اوونۍ پرسوریې د امریکا، فرانسې او بریتانیا پرهوایي حملو انتقاد وکړ.
پوتین میرکل ته وویل چې دغه برید د یرغل عمل دی چې د ملګرو ملتونو له منشور څخه سرغړونه ګڼل کېږي.
پوتین دغه راز ویلي چې دغه برید هغه پراخې هڅې سختې اغېزمنې کړي چې د سوریې د اووه کلنې کورنۍ جګړې د هواري لټه کوي.
د خبرپاڼې له مخې پوتین او مرکل همداشان د نورډ سټریم دوه په نوم د هغه پایپلاین په اړه هم خبرې وکړي له روسیې پیلېږي او د بالتیک تر بحیرې لاندې تر جرمني پورې رسېږي.
انتقاد کونکي وايي چې دغه پروژه به اروپایي اتحادیه د انرژۍ له پلوه تر ډېره پر روسیې متکي کړي او هم به ورسره د هغه هېواد د انرژۍ دولتي کمپنۍ شتمنې شي.
تېره اوونۍ مرکل داسي نښې وښودې چې هغه له دغې پلان شوې پروژې د ملاتړ د کمېدو څرګندونه کوي.
میرکل وویل، د دغې پروژې پر سیاسي اړخ هم باید غور وشي.