سیپراس: مقدونیې سره د یونان د نوم پر سر د لانجې حل ته چمتو یم

د یونان صدراعظم وايي، دی له مقدونیې سره د دې هېواد د نوم پر سر د لانجې د حل لپاره چمتو دی.


مقدونیې له پخوانۍ یوګوسلاویا څخه تر جلا کېدو وروسته خپل نوم وساته، خو دې مسئلې یونان چې دا یې لرغونی نوم دوی او په دې نوم یو ولایت هم لري، سخت په غوسه کړ.


الکسیس سیپراس وايي چې د مقدونیې لپاره باید داسې یو ترکیبي نوم غوره شي چې مقدونیه یې جز وي.


سیپراس چې له ملګرو ملتونو سره د دې مسئلې د حل په برخه کې د اپوزېسیون د ملاتړ په جلبولو کې پاتې راغلی ومنله چې ښايي دا لانجه ډېر ژر حل نه شي خو ویې ویل چې د مقدونیې لپاره د برې مقدونیې یا نوې مقدونیې نوم غوره کېدای شي.