کشمیر کې ۴ ملکيان او يو سرتېرى ګډې پولې ته څېرمه وژل شوي
د هند د پوځ يوه وياند وويل، پرون په پونچ سيمه کې د دواړو لوريو ترمنځ د خونړي تاوتريخوالي په څلورمه ورځ يو هندى عسکر وژل شوى دى.
د هند پوليس بيا وايي، د هند په لوري کې دوه ملکيان هم وژل شوي چې يوه يې ښځه او بل يې ١٥ کلن هلک دي.
د پوليسو په خبره د هند په خوا کې ٣ ملکيان او يو هندى سرحدي ساتونکى ټپيان شوي هم دي.
د پاکستان د بهرنيو چارو وزارت په يوه اعلاميه کې ويل چې په تاوتريخوالي کې يو ٦٠ کلن ملکي کس وژل شوى او دوه نجونې ټپيانې شوي دي.
په اټمي وسلو د سمبالو دوو هېوادونو پاکستان او هند ترمنځ له درېيو جګړو دوې د کشمير پر لانجمنه سيمه شوي دي.