راپور: روسيه د امريکا او اروپا انتخاباتو کې د لاسوهنو له کبله سپين سترګې شوې
په راپور کې د مسکو د دغو هڅو د شنډولو لپاره د يوه قوي اقدام غوښتنه شوې ده.
دغه راپور چې د مشرانو جرګې د بهرنيو اړيکو کمېټې د مامورينو لهخوا ترتيب شوې، د چهارشنبې په ورځ خپور شو.
په راپور کې په دې برخه کې د پاليسۍ د غوره کولو لپاره ځينې پېشنهادونه شوي چې د هغه څه مخه ونيسي چې دوى د روسيې د ولسمشر ولاديمير پوتين لهخوا د خپل هېواد او ټولې اروپا پر محلي ادارو، نړيوالو ارزښتونو او د قانون پر حاکميت په تېرو نېږدې دوو لسيزو کې حمله ګڼل شوې ده.
خو د کریملین ویاند ډمیټري پیسکوف پرون په راپور کې لګول شوي تورونه رد کړل او دا يې کاملاً بې بنسټه وبلل.
پیسکوف همدارنګه زیاته کړې چې دا ډول تورونه د امریکا او روسیې دوه اړخېزې اړیکې نورې هم خرابوي.
مسکو تر دې مخکې هم د امریکا د ولسمشرۍ په انتخاباتو کې د جمهوريت غوښتونکي ټرمپ په پلوۍ د هر ډول لاسوهنې تورونه رد کړي دي.