سیاف: د جنجالونو وخت نه دی، باید وطن وژغورو
ښاغلي سياف نن جمعه په کابل کې يوه علمي سيمينار ته په وينا کې وويل، ټول بايد لاسونه سره ورکړي او افغانستان له اوسني وضعيت څخه وژغوري:
"د هېواد سلامتي، حيثيت، ابرو او عزت دا ايجابوي چې له وړو خبرو تېر شو، له يو بل سره تفاهم وکړو او هېواد له اوسني ناوړه وضعيت څخه وژغورو، اوس د دغو کړکېچونو وخت نه دى."
وروسته له هغې چې ولسمشر د بلخ د والي عطا محمد نور استعفى منظور کړه، جمعيت اسلامي ګوند او په خپله نور ويلي چې دغه پرېکړه نه مني.