Закана до Трамп за одмазда за убиството на ирански генерал?

На веб-страницата на врховниот лидер на Иран, ајатолахот Али Хамнеи е објавена слика на голф играч кој наликува на поранешниот претседател на САД, Доналд Трамп, кој наводно е цел на напад со беспилотно летало, заедно со закана за одмазда за убиството на иранскиот генерал Касем Солјемани во минатата година извршено преку напад со американско беспилотни летало.

САД контра ОН за убиството на иранскиот генерал Солејмани

Сликата за првпат се појави на Твитер на персиски јазик и беше објавена со линк до веб-страницата на Хамнеи. Твитер ја избриша фотографијата и соопшти дека е лажна. Под фотографијата беа напишани пораки од иранскиот лидер од декември, минатата година пред првата годишнина од атентатот врз генералот Солејмани, кој ги водеше елитните кудски сили на Исламската револуционерна гарда.

Иранскиот генерал беше убиен на трети јануари, минатата година во Багдад. Пентагон тогаш соопшти дека тогашниот претседател Доналд Трамп го одобрил нападот. Трамп ја напушти функцијата на 20 јануари.