Избори за Сенатот на САД: Демократот Вaрнок прогласи победа

Демократот Рафаел Вaрнок прогласи победа во вториот круг од изборите за Сенатот, објави агенцијата Франс прес, додавајќи дека републиканката Кели Лефлер не го признава поразот. Од изборите за Сенатот зависи дали демократите или републиканците ќе имаат контрола над горниот дом на Конгресот на САД. Доколку победата на Ворнок биде потврдена, овој 51-годишен баптистички свештеник од Атланта ќе биде првиот црн сенатор избран во Џорџија. Неговиот ривал Кели Лефлер 50-годишен претприемач стана сенатор пред помалку од една година.

Кој ќе ја добие контролата врз американскиот Сенат?

Вториот дуел е меѓу поранешниот републикански сенатор Дејвид Пeрдју (71), поранешен директор за економија и демократот Џон Ософ (33), поранешен помошник член на Конгресот и новинар, кој води во трката. Од исходот на овие избори зависи дали избраниот претседател на Соединетите држави, демократот Џо Бајден, кој ќе стапи на должност на 20 јануари, ќе може да ја спроведува својата прогресивна агенда во следните две години или ќе биде соочен со блокада на републиканците. За да ја добијат контролата врз Сенатот, демократите мора да ги освојат и сенаторските места во Џорџија.