Хидрантите во „Глобал“ биле неупотребливи

Екипа од пожарникари влегува во ТЦ „Глобал“ од кај гаражите барајки ги хидрантите и се утврдува дека тие се неупотребливи,  пишува во извештајот на ТППЕ Струмица за текот и гаснењето на пожарот, кој е објавен на нивната официјална фејсбук страница. Се дополнува дека поради неупотребливоста на хидрантите противпожарните возила морале да ротираат кон базата за полнење вода и  оти со тоа се губи драгоцено време и енергија

Наводите во извештајот ги потврди и командирот на струмичките пожарникари, Александар Гудев, кој вели дека објавениот извештај дава реална слика за избувнувањето на пожарот и текот на гаснењето.

Злобни и сочуствителни за пожарот во Глобал

Пожарот во „Глобал“ избвувна ноќта на 2 овој месец, а е пријавен во 23:12 часот.

Гаснењето на големиот пожар во трговскиот центар „Глобал“ во Струмица, траеше скоро 5 часови, а во борбата со огнената стихија учествуваа вкупно 61 пожарникари со 18 возила. Пожарот е изгаснат изутрината во 3:50 часот.