Грчката црква пркоси на владините мерки за Водици

Решеноста на грчките свештеници црквите да останат отворени за празникот Богојавление в среда, ја засилија конфронтацијата со владата.

Премиерот Киријакос Мицотакис денеска ја повика православната црква во земјата „да ги преземе своите одговорности“ со затворање на места за богослужба.

Неговиот апел следува по повеќекратните критики кон влијателната грчка црква поради неуспехот на свештенството да ги почитува здравствените ограничувања. Некои од нив беа видени како не носат маски и ги игнорираат правилата за социјално дистанцирање.

Владата досега повикуваше само на „индивидуална одговорност“ меѓу верниците.

Во понеделникот, советот на врховни бискупи на Светиот синод, во објавата наведе дека „нема да даде согласност за мерките наметнати од владата“ и оти планира да ги отвори црквите  за богослужба на 6 јануари, за Водици.

По состанокот со 82-годишниот црковен поглавар Архиепископот Иеронимос, канцеларијата на Мицотакис денеска соопшти дека тој инсистирал на „потребата сите строго да ги почитуваат здравствените мерки“ и ја повика црквата „да даде пример“.