Стопанска комора: Има субвенции, но има и квази земјоделци

Потрошените речиси една милијарда евра земјоделски субвенции во изминатите години, не дадода резултат и дека многу од парите се даваат на квази-земјоделци. Нестабилно е производството на пченица, приносот е под четири тони на хектар, сортите за семе се лоши, а технологијата застарена, сточниот фонд пак, се намалува, увозот е зголемен, од традиционален производител на млеко, земјава денес е голем увозник, истакнаа од Стопанската комора на Македонија на денешната прес-конференција.

И кравите би јаделе домашна храна купена со ваучери, ама нема, реагираат пелагониските сточари

„Од 20 милиони евра поддршка во 2006 година до скоро 200 милиони денес, потрошени се речиси една милијарда евра за земјоделството, но резултатите се поразителни. Начинот на субвенционирање мора да се смени за конечено да се разграничат вистинските земјоделци, професионалците, од оние кои добиваат поддршка, но не прават ништо за развој на производството. Мора еднаш да се направи пресек за некои работи, што можеби е болно, но само така за кратко време фармерите ќе се преструктуираат и ќе тргнеме во вистина насока ако сакаме да движиме кон ЕУ. Доста беше веќе традиционално производство, треба да се поддржат бизнис ориентираните, професионални производители", изјави Васко Ристовски од Комората.

Според него време е, од традиционално, да преминеме на професионално земјоделство, да се исфилтрираат вистинските од квази земјоделците.