Сеул - Притисокот врз Северна Кореја за нуклеарната програма е на критична крстосница

Глобалниот дипломатски притисок врз Северна Кореја да ја напушти својата нуклеарна програма е на критична крстосница, смета јужнокорејскиот претседател Мун Џе- ин. Тој ја повика Кина да продолжи да игра позитивна улога во обидите за денуклерализација на корејскиот полуостров и за стабилизирање на мирот.

Повиците на Мун доаѓаат за време на средбата со министерот за надворешни работи на Кина, Ванг Ји, во претседателската Сина куќа на Сеул. Ванг е во прва посета на Јужна Кореа во обид да ги унапреди нарушените односи од страна на Јужна Кореја поради распоредувањето на американскиот противракетен систем, кој Кина го смета за безбедносна закана.

„Кина и Јужна Кореја треба да го зацврстат дијалогот и соработката со цел заедно да поддржат мултилатерализам и слободната трговија“, изјави Ванг.

Ванг имаше средба и со својот јужнокорејски колега на која ги договараат деталите за трилатералниот самит помеѓу Сеул, Пекинг и Токио кој треба да се одржи во текот на месец декември.

Во меѓувреме лидерот на Северна Кореја Ким Јонг Ун го интензивира тестирањето ракети, додека чека да измине крајниот рок даден до администрацијата на американскиот претседател Доналд Трамп да понуди заемно прифатливи услови за договор за нуклеарната програма.