“უნდა ისეირნოთ სუფთა ჰაერზე, თუმცა სხვებისგან დისტანციით”
დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსი, ხათუნა ზახაშვილი მოსახლეობას ურჩევს ისეირნონ სუფთა ჰაერზე, თუმცა სხვებისგან დისტანციით. ამაზე მან დღეს, 22 აპრილს ფეისბუქლაივში დასმულ კითხვას უპასუხა.
“ერთმნიშვნელოვანი მტკიცება იმისა, რომ გარეთ სეირნობას, ჰაერზე ყოფნას ზარალი მოუტანია ადამიანთა ჯანმრთელობისთვის და ეს გამხდარიყოს კოვიდის გავრცელების ინტენსიური წერტილი, არსად წამიკითხავს. ფაქტია, ღია სივრცეებში რისკი შემცირებულია, მაგრამ აქ უნდა გვახსოვდეს რომ დისტანციის დაცვა აუცილებელია.
რაც უფრო მეტი იქნებ დისტანცია, მით უფრო დაცულად შეგიძლიათ, ჩათვალოთ თავი. ყოველშემთხვევაში გარეთ სეირნობის გარეშე ალბათ, ადამიანები დიდხანს ვერ გაძლებენ.
დიახ, უნდა ისეირნოთ გარეთ, უნდა იყოთ სუფთა გარემოში, და ყურადღება მიაქციეთ, რომ თქვენ და თქვენი შვილები იყოთ დისტანცირებული სხვებისგან. შეარჩიეთ წყნარი გარემო. არ არის საჭირო ჯგუფებად სეირნობა.”