საქართველოში კორონავირუსით ინფიცირებული 46 პაციენტი გამოჯანმრთელდა
ახალი სახეობის კორონავირუსით ინფიცირებულთაგან გამოჯანმრთელებულთა რაოდენობამ 46-ს მიაღწია. 7 აპრილს, 18:00 საათის მონაცემებით, საქართველოში კორონავირუსი სულ 195 ადამიანს დაუდასტურდა. გარდაიცვალა 3 ადამიანი. კარანტინის რეჟიმში 4708 პირი იმყოფება. სტაციონარში, მეთვალყურეობის ქვეშ - 370.
კორონავირუსის გავრცელების საფრთხის გამო 21 მარტიდან საქართველოში გამოცხადებულია ერთთვიანი საგანგებო მდგომარეობა.
31 მარტს, დილის 08:00 საათიდან ქვეყანაში ამოქმედდა ფაქტობრივად სრული კარანტინის რეჟიმი. 21:00 საათიდან 06:00 საათამდე გადაადგილება იკრძალება.