მაიკ პომპეომ "ტერორისტულად" სცნო რუსული ულტრანაციონალისტური "იმპერიული მოძრაობა"
აშშ-ის სახელმწიფო დეპარტამენტმა „საერთაშორისო ტერორისტულ“ ორგანიზაციად სცნო რუსეთში დაფუძნებული, ულტრანაციონალისტურ ჯგუფი, "იმპერიული მოძრაობა", რაც წარმოადგენს პირველ შემთხვევას, როდესაც თეთრკანიანთა აღმატებულობის იდეოლოგიის მქადაგებელ ჯგუფს და მის სამ ლიდერს „ტერორისტების“ კვალიფიკაცია ენიჭება.
როგორც პრეზიდენტმა დონალდ ტრამპმა განაცხადა, „ჩვენმა ქვეყანამ ერთსულოვნად უნდა დაგმოს რასიზმი, ფანატიზმი და თეთრკანიანთა აღმატებულობის იდეოლოგია“, - ნათქვამია აშშ-ის სახელმწიფო მდივნის, მაიკ პომპეოს, 7 აპრილის სპეციალურ განცხადებაში.
მანამდე აშშ-ის სახელმწიფო დეპარტამენტის კონტრტერორისტული პროგრამის კოორდინატორმა, ნეითან სეილსმა 6 აპრილს ამ ნაბიჯს "უპრეცედენტო" უწოდა და თავის განცხადებაში აღნიშნა, რომ ამ მოძრაობას "უდანაშაულოთა სისხლით აქვს დასვრილი ხელები".
ეს ჯგუფი საკუთარ თავს აღწერს "რუს მართლმადიდებელ ეროვნულ-პატრიოტულ და მონარქისტულ ორგანიზაციად", რომელიც მიზნად ისახავს რუსეთში ავტოკრატიული მონარქიის აღდგენას. ჯგუფის მიზნებში ასევე შედის რუსეთის მონოეთნიკურ სახელმწიფოდ გამოცხადება, რომელიც კონცენტრირებული იქნება, ჯგუფის აზრით რუსი ხალხის სამ განშტოებაზე - რუსებზე, უკრაინელებზე და ბელორუსებზე. მოძრაობას წარმომადგენლობები აქვს სანკტ-პეტერბურგში, მოსკოვში და ნიჟნი ნოვგოროდში. ჯგუფის გასამხედროებული ფრთა, იმპერიული ლეგიონი, წევრებს წვრთნის საბრძოლო მეთოდებში.
ტერორისტულ ორგანიზაციათა სიაში რუსული "იმპერიული მოძრაობის" შეყვანა მიმართულია იქით, რომ ტერორისტებს გამოაცალოს ყველა საჭირო რესური თავდასხმების მოსამზადებლად და მოსაწყობად. ბლიკირებული იქნება ამ ჯგუფისა და მისი წევრების არსებული ფინანსური აქტივები და ანგარიშები აშშ-ის ტერტორიაზე, ხოლო ამერიკის მოქალაქეებს ეკრძალებათ რაიმე სახის გარიგებაში მონაწილეობა ამ ჯგუფის წევრებთან, - ნათქვამია აშშ-ის სახელმწიფო მდივნის, მაიკ პომპეოს განცხადებაში.