WhatsApp-ი შეზღუდვას აწესებს კორონავირუსზე ყალბი ცნობების გავრცელების თავიდან არიდების მიზნით
კორონავირუს COVID-19-ის შესახებ ყალბი ინფორმაციის გავრცელების წინააღმდეგ ბრძოლის მიზნით, კომპანია WhatsApp-მა 7 აპრილიდან ხუთიდან ერთ კლიენტამდე შეზღუდავს ჩათში ყველა სახის ინფორმაციის გაცვლას.
სააგენტო „როიტერსის“ თანახმად დღეიდან WhatsApp-ის მომხმარებელს უფლება ექნება კონტენტი ერთდროულად გაუზიაროს მხოლოდ ერთ ადამიანს.
ჯანდაცვის მსოფლიო ორგანიზაცია (WHO) დეზინფორმაციულ „ინფოდემიას“ უწოდებს კორონავირუსის პანდემიას, რომელსაც მსოფლიოში 70 ათასაზე მეტი ადამიანის სიცოცხლე შეეწირა და რამაც აიძულა მსოფლიოს ქვეყნების მთავრობები სოციალური მედიისათვის მოეწოდებინა უფრო ქმედითი ზომები მიეღო დეზინფორაციასთან საბრძოლველად.
კომპანია WhatsApp-ი, რომლის უფასო კომუნიკაციის სისტემას, მსოფლიოში 2 მილიარდი მომხმარებელი ჰყავს, თავის განცხადებაში მიუთითებს, რომ კორონავირუსის გავრცელების შემდეგ საგრძნობლად იმატა შეტყობინებების რაოდენობამ. „ჩვენ გვესმის ასეთი შეტყობინებების გაგზავნის შემცირების მნიშვნელობა, რათა შევინარჩუნოთ WhatsApp-ი, როგორც პირადი მიმოწერის სივრცე“, - ნათქვამია კომპანიის განცხადებაში.
სააგენტო „როიტერსის“ თანახმად, WhatsApp-მა 2018 წელსაც მიმართა ასეთი შეზღუდვის დროებით ზომას მას შემდეგ, რაც მისი პლატფორმით გავრცელებულ ჭორებს მასობრივი ჩხუბი და ადამიანების დაღუპვა მოჰყვა ინდოეთში.