ტრამპი აცხადებს, რომ WHO "ძალიან არის ორიენტირებული" ჩინეთზე
აშშ-ის პრეზიდენტი დონლად ტრამპი აცხადებს, რომ ჯანდაცვის მსოფლიო ორგანიზაცია მეტისმეტად აღმოჩნდა "ჩინეთზე ორიენტირებული" კორონავირუსის COVID-19-ის ეპიდემიის დროს.
თავისი ტვიტერით გავრცელებულ განცხადებაში დონალდ ტრამპი პირობას დებს, რომ გაერკევა ამ ვითარებაში და, ამასთან, აღნიშნავს, რომ ორგანიზაციას ძირითადად აშშ-ი ინახავს. WHO-ს რეკომენდაციას ჩინეთთან საზღვრის ღიად დატოვების შესახებ, აშშ-ის პრეზიდენტმა, „მცდარი“ უწოდა.
ამ განცხადების ფონია, კორონოვირუსის ეპიდემიაზე აშშ-ის პრეზიდენტის რეაქციის წინააღმდეგ გამოთქმული კრიტიკა. ზოგიერთი ამერიკული მედია კერძოდ, წერს, რომ დონალდ ტრამპს სპეციალისტები ჯერ კიდევ იანვარში მოუწოდებდნენ მკაცრი ზომების მიღებისკენ, მაგრამ აშშ-ის პრეზიდენტი მათ რეკომენდაციებს არ დაეთანხმა.
ბოლო მონაცემებით აშშ-ში 381 ათასს მიაღწია კორონავირუსით დაავადებულთა რაოდენობამ. ვირუსის შედეგად დაიღუპა თითქმის 12 ათასი პაციენტი. ყველზე მეტი დაინფიცირებული, დაახლოებით 139 ათასი ადამიანი, გამოვლინდა ნიუ-იორკის შტატში. დაღუპულთა რიცხვი მხოლოდ ამ შტაშტი უახლოვდება 5,500-ს.