თბილისის ტელეანძა აშშ-ის დროშის ფერებში გაანათეს
მხარდაჭერის ნიშნად თბილისის ტელეანძა ამერიკის შეერთებული შტატების დროშის ფერებში გაანათეს.
თბილისის მერიის განცხადებით, „საქართველო მუდამ იყო და არის ამერიკის შეერთებული შტატების გვერდით! ჩვენ გვჯერა ამერიკის გამარჯვების! - ამ მესიჯს საქართველო თავის სტრატეგიულ პარტნიორს უგზავნის“.
რამდენიმე დღის წინ, საქართველომ ასეთივე სოლიდარობა იტალიელ და ესპანელ ხალხსაც გამოუცხადა და სიმბოლურად, თბილისის ანძა ესპანეთისა და იტალიის დროშის ფერებში გაანათა.
3 აპრილის 17:00 საათის მონაცემებით, ამერიკის შეერთებული შტატებში კორონავირუსის 258 214 შემთხვევა არის დადასტურებული. გარდაცვლილია 6 605 ადამიანი. გამოჯანმრთელებული - 9 408.