არჩილ თალაკვაძემ პარლამენტის 10 „გამოწვევა“ დაასახელა
საარჩევნო რეფორმა, რომელიც უკავშირდება 2020 წელს არჩევნების პროპორციულ სისტემით ჩატარებას. იგეგმება ასევე პარტიების დაფინანსების მოდელის შეცვლა, ცვლილებების განხორციელება პარტიების რეგისტრაციასთან და საარჩევნო კამპანიის ჩატარებასთან დაკავშირებით.
სასამართლოს რეფორმა- საშემოდგომო სესიაზე იგეგმება სასამართლო რეფორმის მეოთხე ტალღის განხორციელება. ორშაბათიდან, 23 სექტემბრიდან იწყება უზენაესი სასამართლოს უვადო მოსამართლეობის კანდიდატურების განხილვა.
ევროპული და ევროატლანტიკური ინტეგრაცია
საპარლამენტო ზედამხედველობა აღმასრულებელ ხელისუფლებაზე
2020 წლის ბიუჯეტი. პარლამენტის თავმჯდომარის შეფასებით, პარლამენტი მიიღებს ბიუჯეტს, „რომელიც იქნება თითოეული ჩვენი მოქალაქის ბიუჯეტი, სადაც თავის თავს ყველა მოქალაქე დაინახავს“ არჩილ თალაკვაძის განცხადებით, პარლამენტი აპირებს მხარი დაუჭიროს პენსიის გაზრდას მომავალი წლიდან.
ტერიტორიული მთლიანობა და ანტისაოკუპაციო პოლიტიკა
გარემო და ეკოლოგია
ბავშვის უფლებები, რომელშიც პრიორიტეტული იქნება სპეციალური საჭიროებების მქონე ბავშვების უფლებები.
ბიზნესის მხარდაჭერა
სოფლის მეურნეობის მხარდაჭერა, რაც, პარალმენტის თავმჯდომარის თანახმად, პირველ რიგში მიწის რეფორმის ბოლომდე მიყვანას გულისხმობს.
არჩილ თალაკვაძე ვარაუდობს, რომ მიმდინარე საშემოდგომო სესია ერთ-ერთი ყველაზე საინტერესო იქნება, თავად კი აპირებს პარლამენტის საქმიანობის შესახებ პერიოდული ანგარიში ჩააბაროს საზოგადოებას.