ზურაბიშვილი უკრაინაში ზელენსკის ინაუგურაციას დაესწრო
საქართველოს პრეზიდენტი, სალომე ზურაბიშვილი უკრაინის კიევში უკრაინის ახალარჩეული პრეზიდენტის ვოლოდიმირ ზელენსკის ინაუგურაციას დაესწრო.
ვოლოდიმირ ზელენსკიმ 20 მაისს კიევში უკრაინის პრეზიდენტობის ფიცი დადო. თავის საინაუგურაციო სიტყვაში მან დათხოვნილად გამოაცხადა უკრაინის პარლამენტი, ვერხოვნა რადა, და რამდენიმე მაღალი რანგის პირს გადადგომისკენ მოუწოდა. ზელენსკიმ ასევე განაცხადა, რომ მზად არის დიალოგისთვის, რათა შეწყდეს პრორუსულად განწყობილ სეპარატისტებთან ომი ქვეყნის აღმოსავლეთში.