ჩრდილოეთ მაკედონიის საპრეზიდენტო არჩევნებში პროევროპელი კანდიდატი იმარჯვებს
ჩრდილოეთ მაკედონიის საპრეზიდენტო არჩევნებში, რომელიც პირველად იმართება ქვეყნისთვის სახელის შეცვლის შემდეგ, იმარჯვებს მმართველი სოციალ-დემოკრატიული პარტიის კანდიდატი სტევო პენდაროვსკი. ხმების 90%-ზე მეტის დათვლის შემდეგ მას 52%-ზე მეტი აქვს. მისი მეტოქე, ნაციონალისტური ოპოზიციური პარტიის კანდიდატი გორდანა სილიანოვსკა-დავკოვა კი 44%-ს აგროვებს. კვირას გაიმართა არჩევნების მეორე ტური. პირველი ტური აპრილში შედგა. მაკედონიაში პრეზიდენტს ძირითადად ცერემონიული ფუნქცია აქვს.