იუწყებიან, რომ ყატარში გაიმართა მოლაპარაკება თალიბანსა და აშშ-ის წარმომადგენელს შორის
სააგენტო ასოშიეიტედ პრესი იუწყება, რომ თალიბანის მაღალი რანგის წარმომადგენლებმა ყატარში სამდღიანი მოლაპარაკება გამართეს აშშ-ის საგანგებო წარმომადგენელთან ავღანეთის სამშვიდობო საკითხებში, ზალმაი ხალილზადთან. 18 ნოემბერს გავრცელებული ცნობით, ჰერატის პროვინციის ყოფილმა გუბერნატორმა, თალიბანის წევრმა ხაირულა ხაირხვამ და თალიბანის ყოფილმა სამხედრო მეთაურმა, მოჰამად ფაზლმა მიიღეს მონაწილეობა ზალმაი ხალილზადთან მოლაპარაკებაში ყატარში, სადაც ამ ავღანურ ექსტრემისტულ ჯგუფს პოლიტიკური წარმომადგენლობა აქვს. ხაირხვა და ფაზლი თალიბანის იმ ხუთ მაღალჩინოსანს შორის იყვნენ, რომლებიც 2014 წელს გაათავისუფლეს კუბაზე მდებარე აშშ-ის გუანტანამოს საპატიმროდან, ისინი გაცვალეს ტყვედ ჩავარდნილ ამერიკელ სამხედროში, ბოუვ ბერდალში. ხუთივე გათავისუფლებული პირი ყატარშია დაფუძნებული და, გავრცელებული ვარაუდით, მნიშვნელოვან გავლენას ახდენს ავღანეთში თალიბანის მებრძოლებზე საიმისოდ, რომ სამშვიდობო მოლაპარაკებაში შუამავლობა შეძლონ. აშშ-ის სახელმწიფო დეპარტამენტი განცხადებას არ ავრცელებს ამ ცნობაზე გამართული მოლაპარაკების შესახებ. ბოლო პერიოდში ხალილზადი რეგიონში იმყოფება ტურნეთი. 18 ნოემბერს ის ქაბულში შეხვდა ავღანეთის პრეზიდენტს, აშრაფ ღანის - მოელოდნენ, რომ ის ღანის თხოვდა მოლაპარაკებაში მონაწილე პირთა გუნდის შედგენას. ავღანეთის თალიბანი დიდი ხანია უარს აცხადებს აშშ-ის მოთხოვნაზე მოლაპარაკება გამართოს დასავლეთის მიერ მხარდაჭერილ მთავრობასთან ქაბულში.