Новости за 19.04.2021

Нохчийчохь туьканашкахь нехан декхарш текхнарг ву Бельгехь вийнарг; Бусулба динехь Тепсуркаев Салманан зуда хиллар тIе ца дуьту суьдхоша; Москварчу Чехин векалтера 20 белхахо "персона нон грата" дIакхайкхийна Оьрсийчоьно

Зазадокху-беттан юьххьехь видео яьржира, Нохчийчохь цавевзачу стага туьканашкахь нехан гулделла декхарш дIатекхна аьлла. Нохчийчуьрчу хаамийн гIирсаша яздарехь, иза хилла Бельгехь хиллачу кхийсаршкахь вийна Диресов Асламбек. "Даим а орцах волура иза гIо оьшучарна. Девне воцуш, бакъахьа кIант вара иза. Ша вуьйчу дийнахь а нахана юкъахь маслаIат дан вахана хиллера иза", - аьлла «Give Good»  гIоьналлин фондан векало. Маршо Радионо яздира дахначу кIиранан дийнахь Бельгерчу Льеж гIала нохчашний, курдошний... Читать дальше...

Тепсуркаев Салманца ехаш хилла Елизавета, иза лачкъорах толлучу гIуллакхехь зен хилларг ю олийла дац аьлла, дIахьедина Краснодар-мехкан кхело. Цаьршиннан цхьаьна Iар низамашкахь чIагIдина цахиларна, Елизавета нохчийн оппозицин IАДАТ телеграм-каналан модератор хиллачун уллора стаг ю аьлла, тIеоьцийла дац аьлла, хьесап дина суьдхоша. Тепсуркаевн гIуллакхехь Елизавета зен хилларг лара дуьхьал хилира хьалхо Геленджикера талламча а, стохка оцу гIалара лачкъийна вигира жима стаг. ГIалин кхелехь латкъам бира Елизаветас... Читать дальше...

КIиранан дийнахь, Охан-беттан 18-чохь, Оьрсийчоьнан арахьарчу гIуллакхийн министралло тIекхайкхинера шайн пачхьалкхера Чехин Республикан посол Пивонька Витезслав.  Прагерчу Оьрсийчоьнан дипломатин миссица мостагIаллица лелийначунна дуьхьал шаьш протест кхайкхош хиларх дIахаийтина цуьнга. Пивонька Витезславе хаам бина, Москварчу Чехин векалтера 20 белхахо шаьш "персона нон грата" дIакхайкхорах. Тахана, Охан-беттан 19-гIа де чекхадалале Оьрсийчоьнан дозана тIера дIабаха безаш бу уьш. Де хьалха Оьрсийчоьнан... Читать дальше...

Оьрсийчоьнан къайлахчу сервисаша дIахьедина, йоллу пачхьалкхехь къайлах герзаш ден 27 меттиг карийна шайна лерина дIахьочу операцехь аьлла. ФСБ-н сайтехь хаам барехь, чоьхьарчу гIуллакхийн министраллаца а, Росгвардица а юкъахь 22 субъектехь дIаяьхьна цара рейдаш, шайлахь ГIебарта-Балкхаройчоь а, Кхарачой-Чергазийчоь а, ГIалгIайчоь а, Ставропол-мохк а болуш. Герзаш деш, уьш духкуш хилла 55 стаг лаьцна дIаяьхьначу операцешкахь. Цаьргара даьккхина Оьрсийчохь а, кхечу пачхьалкхашкахь а дина 222 тайпана герз... Читать дальше...

ТIаьххьарчу дийнахь-буса Къилбаседа Кавказехь коронавирусах 16 пациент велла, цомгуш хилла кхин а 299. Уьнна дуьхьалоечу Оперативан штабан хаамца, Краснодар-махкахь 11 стаг велла коронавирусах, Ставропол-махкахь – 4, Дагестанехь – цхьаъ. Къилбаседа Кавказехь пандеми йолаелчхьана верриг а велларг ву уьнах 9 066 вахархо. Цамгар кхетта уггаре дукха наханна Краснодар-махкахь. Краснодар- мохк + 101 (44 373 – ун даьржичхьана) Ставропол- кIошт̆ + 61 (52 075) Дагестан + 45 (31 859) ГIебарта-Балкхаройчоь+... Читать дальше...

Бесланехь хиллачу терактехь лазийначара мацалла кхайкхийна, Оьрсийчоьнан оппозицин политикца Навальный Алексейца солидаралла гойтуш. "Бесланан аз" юкъараллан комитетан куьйгалхочо Кесаева Эллас бина и хаам фейсбукехь. Цо билгалдаккхарехь, цуьнца цхьана мацалла хьега тIетайна Цирихова Земфира а, Ильин Борис а, Кесаева Зарина а, Кокоева Замира а. Чиллан-баттахь дуьйна Владимирскан кIоштарчу Покров гIаларчу номер 2 йолчу колонехь ву Навальный Алексей. БархI шо хьалхалерачу "Ив Рошен" гIуллакхна тIехула кхело набахтехь даккха кхо шой... Читать дальше...

Дуьненаюкъарчу боксан турнирехь латаршкахь дакъалоцучу Нохчийчоьнан куьйгалхочун кIантана, 13 шо долчу Адамна толам дIабелла, цуьнца тасалург цунах лата воьлча. "Матч!"Боец" телеканалехь гайтинчу латарх видео "ВКонтактерчу" социалан машанехь яржийна. Цу тIехь гуш ду, Нохчийчоьнан куьйгалхочун кIантах летачу, ГIебарта-Балкхаройчуьра Биттиров Аслан масийттазза тIелатар до Адамна, коьртах а цхьана етташ. Оцу мIаьргонехь рефферис цIеххьашха бехкаш доху Биттировгара. Цул тIаьхьа боксеран секунданто ринга тIе гата а ластош... Читать дальше...

Нохчийчоьнан куьйгалхочун Кадыров Рамзанан уллорчу гонашкарчу пхеа векална дуьхьал бехкзуламан гIуллакх даккхар дехна Европан конституцин а, адамийн а бакъонашкахула йолчу центро а (European Center for Constitutional and Human Rights, ECCHR), "Оьрсийчоьнан ЛГБТ-машано" а  Бакъоларъярхоша Iедалхошна а, ницкъахошна а бехкаш дохку махкахь бакъо йоцуш гейш лецарна а, царна тIехь къизаллаш лелорна а, мел лахара а 150 стаг вен тIехьехарна а. 97 агIонах лаьттта документ зийначул тIаьхьа Британин The Guardian газето бина и хаам. Читать дальше...